Popular Bible Verses from MATAIO 28

Share

Tela la, olo atu koutou ki fenua katoa ke fai a tino i ei mo oku soko; papatiso foki latou i te igoa o te Tamana, te Tama mo te Agaga Tapu. Akoako atu foki latou ke faka'logo ki mea katoa kola ne fakatonu atu ne au ki a koutou. Kiloke! Au e fakatasi faeloa mo koutou, ke oko eiloa ki te gataga o te lalolagi.”

Ne fakapilipili atu a Iesu ki a latou kae fai atu, “Ko oti ne tuku mai ki a au a te pule katoa i te lagi mo te lalolagi.

Ne fai atu a te agelu ki fafine, “Sa mataku koutou; me e iloa ne au ia koutou e salasala ki a Iesu tela ne fakasataulo. E galo i konei, ka ko toetu; e pela eiloa mo ana muna. O'mai o kilo'kilo ki te koga ne takato ei a ia.

Ne muna atu a Iesu ki a laua, “Sa mataku! Olo o taku atu ki oku taina ke olo ki Kalilaia, me e fetaui matou i kona.”

Ne fono fakatasi a faitaulaga sili mo toeaina, fai ei te lotou fuafuaga; kae ne tuku atu ne latou ki sotia a tupe e uke, mo te fakatonuga ki a latou penei, “Fai atu ki tino i soko o Iesu ne o'mai i te po o kaisoa tena foitino ka koi 'moe koutou. Kafai foki e lagona ne te kovana a te tala tena, e fakatalitonu ne matou ki a ia; ko seai ei se mea e tupu ki a koutou.” Ne puke ne sotia kona a te tupe, kae fai ne latou a te mea ne fakatonu atu ke fai. Ne salalau atu a te tala ki tino Iutaia katoa ke oko mai ki aso nei.