Popular Bible Verses from MATAIO 2

Share

Ne olo ki loto i te fale, ne matea ne latou a te tamaliki mo Malia tena matua, totuli ifo ei o tapuaki ki a ia. Ne 'tala olotou taga kae avatu ki a ia a meaalofa: se aulo, se pulu lipano mo te pulu mulo ne sinu manogi.

A Iesu ne fanau i te fa'kai ko Peteleema i te fenua ko Iutaia, i aso o te Tupu ko Helota. E isi ne tagata 'poto i uiga o fetu ne o'mai mai i te Sopogala ki Ielusalema, kae fai mai, “Tefea te tamaliki ne fanau mai, tela ka fai mo tupu o tino Iutaia? Me ne matea ne matou a tena fetu i te Sopogala; tenei te mea ne o'mai ei matou o tapuaki ki a ia.”

Tela ne olo atu ei latou, kae i te olotou auala ne lavea ne latou a te fetu foki tela ne lavea ne latou i te saegala. I te taimi ne lavea i ei ne latou, ko oko eiloa i te olotou fiafia, kae ne 'lifu foki a latou! Ne fano eiloa i olotou mua ke oko ki te taimi ko tu ei i luga o te koga e nofo ei te tamaliki

Ne fakatonu atu latou ne te Atua i te moemiti ke se 'foki ki a Helota; tela, toe 'foki ei o olo ki te lotou fenua i te sua auala. Mai tua ifo i te 'fokiga o te kau kona, ne fakaasi te agelu a te Aliki ki a Iosefa i te moemiti kae fai atu: “Tu ki luga, puke te tamaliki mo tena matua kae olo nei eiloa ki Aikupito; 'nofo i kona ke oko eiloa ki te taimi e toe fai atu ei au ke olo koutou keatea. A Helota, ka salasala ki te tamaliki o tamate.”