Popular Bible Verses from MATAIO 18

Share

Me so se koga e fakapotopoto ei se tokolua, io me se tokotolu i toku igoa, e iai foki au i kona.”

“Au e toe fai atu ki a koutou: me kafai e loto ma'lie se tokolua o koutou ki se mea, kae 'talo atu ki te Atua mo te mea tena, e fai eiloa ne toku Tamana i te lagi.

Ne kalaga atu a Iesu ki se tamaliki, kae fakatu ne ia i olotou mua, kae fai atu ki ona soko, “E tonu au e fai atu ki a koutou, kafai e 'fuli koutou ke pela mo tamaliki, e mafai ne koutou o ulu atu ki te Malo o te lagi.

A te tino e sili i te Malo o te lagi, ko te tino tela e fakamalalo ne ia a ia eiloa, ke pela mo te tamaliki tenei.

Ko te tino e talia ne ia se tamaliki penei i toku igoa, e talia foki ne ia a Au.”

“Au e fai tonu atu ki a koutou: ko te mea e fakatapu ne koutou i te lalolagi, e fakatapu foki i te lagi. Ko te mea e fakataga ne koutou i te lalolagi, e fakataga foki i te lagi.

Tela, fakapalele atu ei a muna a Iesu penei: “Ka pena eiloa a faiga a toku Tamana i te lagi ki a koutou katoa, manafai e se Loto fakamagalo koutou ki otou taina.”

“So se tino e fai ne ia se mea ke agasala a tamaliki konei, kola e talitonu ki a au, e sili atu moi fai ne 'sai tena ua ki se fatu kae 'pei ki te moana 'poko.

“Se a te mea ka fai ne se tino e isi ne ana mamoe e selau, kae galo se mamoe e tasi? E a, e se tuku ne ia a te iva sefulu iva mamoe i tafatafa o te mauga, kae fano o 'sala a te mamoe ne galo?