Popular Bible Verses from LUKA 3

Share

I te otiga ne papatiso a tino katoa, ko te mea eiloa ko papatiso Iesu. Ka koi 'talo a ia, ne matala te lagi, kae ne fanaifo te Agaga Tapu ki luga i a ia, e fuaitino mai e pela mo se lupe. Ne oko mai te leo mai te lagi penei, “Ko koe eiloa taku tina Tama fagasele. Ko oko eiloa i toku fiafia ki a koe.”

Ne tali atu a Ioane ki a latou katoa, “Ko papatiso ne au a koutou ki te vai, kae ka vau a ia tela e sili atu i a au, e se 'tau mo au o 'tala ona taka. Ka papatiso ne ia koutou ki te Agaga Tapu mo te afi.

E 'tau mo koutou o fakaasi mai ne fakailoga, ke iloa ei me ko salamo koutou ki te agasala. Kae sa fai ake pela koutou, ‘A Apelaamo ko te motou tupuna.’ Au e fai atu me mafai ne te Atua o fakafua ake ne fanau a Apelaamo i fatu konei!

Ko toka nei te takū mo tua ki lalo a lakau mai i olotou tafito; ko lakau kola e se fua 'lei, ka tua ki lalo kae pei katoa ki te afi.”

E pela mo te mea ne tusi ne te pelofeta ko Isaia i tena tusi: “E isi se tino e kalaga sale i te vao: 'Ke fakatoka te alatu mo te Aliki, Ke fai se alatu tonu mo ona sasale! Ko koga 'poko katoa e 'tau o fakagatasitasi, Ko tafua'aga mo mauga katoa e 'tau ke tofa ki lalo; Ko alatu piko'piko e 'tau o fakatonutonu, Mo alatu pona'pona foki e 'tau o fakamaniania; Ko lavea ei ne tino katoa te fakaolataga a te Atua!”’