Popular Bible Verses from IOANE 6

Share

Muna a Iesu ki a latou, “Ko au ko te falaoa o te ola; ko te tino e vau ki a au e se toe fia kai, ko te tino foki e talitonu ki a au, e se toe fia inu eiloa.

Ko te Agaga e aumai ne ia te ola; ka ko te foitino e seai eiloa sona aoga ki se mea. A muna ne faipati atu ne au ki a koutou, ko te Agaga mo te ola a mea kona.

Sa ga'lue koutou ke maua a meakai kola e se tumau, kae ga'lue ke maua meakai kola e tumau i te ola se gata mai, kola ka tuku atu ki a koutou ne au ko te Tama a te Tagata; i te mea ko oti eiloa ne fakaasi tonu mai a ia ne te Atua te Tamana.

Tenei foki te loto o toku Tamana, tela ne uga mai ne ia au: ko tino katoa kola e 'kilo ki te Tama kae talitonu ki a ia, ka maua ne latou te ola se gata mai, kae ka fakatu ne au i te aso fakaoti.”

Ne tali atu a Iesu, “Tenei te galuega e manako ki ei te Atua ke fai ne koutou: ke talitonu koutou ki te tino ne uga mai ne ia au.”

Ko mea katoa e tuku mai ne te Tamana ki a au, ka aumai ki a au; mo te tino tela e vau ki a au, ka se tuli eiloa ne au keatea.

Ne tali mai Simona Petelu ki a ia, “Te Aliki, ko oi te tino ka olo matou ki ei? A muna o te ola se gata mai, e nofo mo koe.

Ko au ko te falaoa o te ola ne fanaifo mai te lagi; kafai so se tino e kai ki te falaoa tenei, ka ola eiloa a ia ki te se gata mai. Ka ko te falaoa ka avatu ne au, ko toku foitino; ka avatu ne au ke maua ne tino te ola se gata mai.”

E se mafai ne se tino o vau ki a au, seiloga ne mafua tona vau mai te Tamana tela ne uga mai ne ia au; kae ka toe fakatu ne au a ia ki te ola i te aso fakaoti.

Me ko te falaoa mai te Atua, ko ia tela ne fanaifo mai te lagi o aumai te ola ki te lalolagi.”

Ko au ko te falaoa o te ola.

Ne puke ne Iesu a falaoa, kae ne fai te fakafetai, tela tufa atu ei ki tino kola e 'nofo i lalo. Ne fai foki pena ki ika; ne tufa atu ki te mea e ma'nako ki ei latou. Ko ma'kona katoa latou, tela, fai atu ei a Iesu ki ona soko, “Fakamaopoopo katoa a mea ne 'toe, ke seai eiloa se mea e fakamaumau.”

Ne pūlu te lotou poti, kati ko te tolu io me ko te fa maila, ka ko lavea atu ne latou a Iesu e sasale i luga i te namo, kae gasolo o fakapilipili mai ki te lotou poti; kae ne ma'taku latou. Ne faipati atu a ia ki a latou, “Sa ma'taku, me ko au eiloa tenei.”