Popular Bible Verses from IOANE 15

Share

“Au ko te vine, ka ko koutou ko kaula. So se tino e nofo mau i a au, mo au i a ia, ka fua malosi mai a ia; me se mafai ne koutou o fai se mea manafai e galo au i a koutou.

Ke 'nofo tumau koutou i a au, ka ko au i a koutou. E se mafai o fua mai ne fuaga o te kaula i a ia eiloa, seiloga ke 'piki mau ki te vine. E pena foki koutou manafai e se 'piki mau koutou ia au.

Kafai e 'nofo mau koutou i a au, kae tumau foki aku muna ia koutou, ko tona uiga, so se mea e ma'nako koutou o fakatagi mai, ka maua eiloa ne koutou.

Ne seki filifili ne koutou au, kae ne filifili koutou ne au; ne tofi atu foki koutou ne au ke olo, ko te mea ke fua mai ne fuaga, kae ke tumau otou fuaga. So se mea e fakatagi koutou ki toku Tamana i toku igoa, ka tuku atu ne ia ki a koutou.

A te alofa tafasili e 'tau o fakaasi ne te tino, ko te tuku atu o tona ola e sui ei a ola o ona taugasoa.

A kaula katoa kola e i a au kae e se 'fua, e 'kati ne ia keatea, ka ko kaula takitasi kola e 'fua, e velevele faka'lei ne ia, ko te mea ke gasolo o 'fua malosi.

Tenei taku poloakiga; ke fakatau a'lofa koutou, e pela eiloa mo au e alofa atu ki a koutou.

Tenei te auala e fakaasi atu ei te vikiga o toku Tamana: manafai e fua malosi mai koutou. Ko te auala foki tenei e fai ei koutou mo oku soko.

“Ko au ko te vine tonu, ka ko toku Tamana ko te tino galue i vine.

So se tino e se nofo mau i a au, ka 'pei keatea e pela mo se kaula ko pakupaku; ko kaula kona ka fakaputu fakatasi, kae 'pei ki loto i te afi o 'sunu i ei.

“E faipati atu ne au a mea nei ki a koutou, ko te mea ke tumau toku fiafia i loto i a koutou, kae ke katoatoa foki te otou fiafia.

Kafai e tausi ne koutou aku poloakiga, ka tumau koutou i toku alofa, e pela mo au ko oti ne tausi a poloakiga a toku Tamana, kae tumau i tena alofa.

Tenei la taku poloakiga ki a koutou: ke fakatau a'lofa koutou.”

Kafai koutou ne tino o te lalolagi, e a'lofa foki a tino o te lalolagi ki a koutou. Ka ko filifili koutou ne au mai tino o te lalolagi tenei, ka ko se kau koutou i ei; tenei te mea e takalia'lia ei a tino o te lalolagi ki a koutou.