Popular Bible Verses from KENESE 32

Share

Muna a te tagata tela, “A tou igoa ka se toe 'taku ki a Iakopo. A koe ko oti ne fepaki mo te Atua e pena foki mo tagata, kae ne manumalo koe; tela la, a tou igoa se ko Iakopo kae ko Isalaelu, ko tena uiga ne fetolo mo te Atua.”

Ne fai mai te tagata tela ki a Iakopo penei, “Tuku mai au ke fano me ko pili o ao.” Muna a Iakopo, “E se mafai o tiakina ne au a koe vagana ke fakamanuia mai ne koe a au.”

ka ko ia ne nofo tokotasi i te koga tena. Tena, kae vau te tagata e tokotasi o tafiti mo ia i te po katoa ke oko eiloa ki te vaveao.

Muna a Iakopo, “Ko oti ne matea ne au te Atua ki oku mata, kae tenei eiloa au koi ola mai”; tela ne fakaigoa ei ne ia te koga tena ko Penieli, ko tena uiga ko mata o te Atua.

I te iloaga ne te tagata tena i a ia ka se manumalo, ne kini ne ia te sokoga i te kauaga o Iakopo, tela ne seke ei te kauaga o Iakopo.

Muna a te tagata tela, “Ko oi tou igoa?” Ne tali atu Iakopo, “Ko Iakopo.”

Muna a Iakopo, “Taku mai nei me ko oi tou igoa,” kae tali mai te tagata tela penei, “Ai a e fia iloa ei ne koe toku igoa?” Tena fakamanuia atu eiloa ne ia a Iakopo.

E se taitai o fetaui te lasi o tou alofa mo tou fakamaoni ki a au tau tavini, ka ko au se tagata fua seai se aoga. Ne sopo atu au ki te sua feitu o te Iolitana mo te tokotoko fua tenei, kae nei ko foki mai au mo potukau konei e lua.

Ke oko mai ki aso nei, a tino Isalaelu e se kai ki te uga kano tela i te sokoga o te kauaga, me ko te uga kano tena tela ne kini ei a Iakopo.

Tena ne fai te talo a Iakopo, “Te Atua o toku tupuna ko Apelaamo, mo toku tamana ko Isaako, fakalogo mai. Te Aliki, koe ne fai mai ke foki au ki toku fenua, ki oku kaiga kae ka fai ne koe ke solosolo lei mea katoa.

Fakamolemole fakasao mai au, mai toku taina ko Esau. Au e mataku i te mea ma vau o faitaua mai kae ta ne ia matou, fakatasi mo fafine mo tamaliki.