Popular Bible Verses from Maɛ 9

Share

Jusu la̍a̍, “Nàà pò ǐn bɛ̌ɛ ɛ̍ nu̍-ɛ ae? Nyɔ̍ ɔ̀ gbaɛ-a Nyɔsoa wlùh-ɛ, nɛ̀ dɛ̍-o-dɛ̍ se̍ kmu dǒ ɔ̍ we̍.”

Jusu iě-a chlà-a, jɔ̍gbau wǐ-i kleǐn. Ɔ̍ la̍a̍, “Ǐn blě wlùh gbaɛ-ɛ, jɛ nu̍ ɛ̍, ɛ̍ iě kɛ̍n gbǎ.”

Ti̍ Jusu mu̍-a dě gbò-ɛ, wɛ̀ ɔ̍ kòà chɛn gbɔ̍i̍ iě u̍h tèle ɔ̍ i̍. U̍h la̍a̍, “Dɛ̍nu̍ àɔ̀ nɔ̀ɔ̍, wɛ̀ à se̍ jeědih i̍ nu̍-ɛ bɛ̌ɛ ɛ?” Wɛ̀ Jusu la̍a̍ dě u̍h we̍, “Jeědih kaɛn la, ba̍le-ɛ due gbài̍ bo ɛ̀ nu̍ ɛ̍ i̍, dɛ̍ dɛɛ se̍ ɛ̍ bɛ̌ɛ.”

“Tɔ̌n nmɔ jii̍, jɛ pò ɛ̍ wɛ̀ wɔ̍n-ɛ, nɛ̀ nyɔ̍ se̍ ɛ̍ wɔ̍n nmɔ-ɛ bɛ̌ɛ dɛ. “Ɛ̍ tìh-ɛ, mɔ̀ blě tɔ̌n dě mɔ̀-a chɛ̀ ja̍a̍, iě wlùh-a i̍ tè-ɛ iě dǒ mɔ̀ nynɛ̌ nɛ.”

“Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍-o-nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɛ̍ se̍ ǎn tìh ɔ̍ se̍ i̍ gbɛ̍n, jɛ nɛ̀ nyɔ̍ ɔ̀ dbo̍-a m-ɛ, ɔ̍ kɔn tìh bo ɔ̍ gbɛ̍n i̍ wɛ̀.”

Tìh-a taǐn ǎn sèàɛ̍ mɔ̀ wlùh, nyɔ̍-o-nyɔ̍ ɔ̀ mu̍-a mɔ̀ nǐ kàu̍n nyǐ mɔ̀-a Klai-a nynɛ̌ gba̍ tìh-ɛ, nɛ̀ ɔ̍ naɛ jě-dɛ̍ se̍ mǎ la̍ kɔn dɛ.

“Jɛ ùh plìh la ùh gbaɛ-a ǐn wlùh-ɛ, nyɔ̍-o-nyɔ̍ ɔ̀ mu̍-a u̍h-a wlùh fèàɛ̀ dě gblɛ̍n sɔ̀ɛ̀n we̍-ɛ, nɛ̀ ɛ̍ mu̍ i̍ blaɛ u̍h iě nyɔ̍ kaɛn laa̍ dui-sɔɔ̌ dɔ̍ i̍ sa̍n-ɛ, wɛ̀ u̍h iě ɔ̍ jbǒ kɛ̍n po̍.

Nɛ̀ pò àn jlǐhɛ̍ ja pɔ̀n ìè wlùh gbaɛ-ɛ i̍ tǎli-ɛ, nɛ̀ ìn sà ɛ̍ kɔ̌n-ɔ. Ɛ̍ nmɔ jii̍ ìè jlǐhɛ̍ due blě, wɛ̀ ìè dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ, ɛ̍ sìì àn jlǐh gbà i̍ wɛ̀ ìn gbǎ dě kàn nɛ̍ di̍i̍