Popular Bible Verses from Maɛ 13

Share

Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, mɔ̀ sà nyinɔ̍ jlǐh i̍, dɛ̍nu̍ɛ, mɔ̀ se̍ ti̍ ti̍-a mu̍-a nyni̍-ɛ juo.

Ti̍ u̍h-a mu̍-a mɔ̀ gbɛ̍n wɛ̀ u̍h iě mɔ̀ koti̍ i̍ gba̍-ɛ, dɛ̍ mɔ̀-a mu̍-a sà dě koti̍ i̍-ɛ, ɛ̍ sèò bɔ̌ mɔ̀ nu̍-ɛ. Pò ti̍ nyni̍-ɛ, dɛ̍ mu̍-a dě mɔ̀ wɔ̍ɔ̍n gbǎ-a, mɔ̀ bla̍ ɛ̍. Dɛ̍nu̍ɛ, nɛ̀ ɛ̍ se̍ mɔ̀-a chɛ̀ ùh se̍ wlu dɛ, jɛ nɛ̀ Nyɔsoa-a Sùù bo wɛ̀.

Blǔh ke ja̍u̍n-a tìh-a mu̍ i̍ sì, jɛ ǎn wlu̍ nɔ̀ɔ̍, ɛ̍ se̍ i̍ sì mu̍.

“Nyɔ̍ se̍ ɛ̍ weɛ̍ ke ɛ̍ ti̍ laa̍ juo. Nyɔsoa-a ǐnchɔ̀-a chɛ̀ nɛ-a dě ja̍i̍wlɔ̀-ɛ se̍ ɛ̍ juo. Jǔ wɔ̍ se̍ ɛ̍ juo ke. Baa due gbài̍ bo ɔ̀ juo ɛ̍.

Mɔ̀-a mu̍ tu̍h-a fɔ̀n-ɔ slɛ̀ wɔ̌n ɛ̍ iě mɔ̀ i̍ kɔǎn-ɛ, wɛ̀ mɔ̀ iě tu̍h-a pɔ̀n wɔ̌n dě tà tɔ̀ɔ̀n. Jɛ ɛ̍ bɔ̌ mɔ̀ sèò nui-ɛ. Ìh kaɛn la i̍h-a mu̍ nɛ, jɛ nɛ̀ ɛ̍ se̍ ti̍-a dlǔ i̍ chlà-a ke̍.

Ɛ̍ tìh-ɛ, mɔ̀ tù-o jlǐhɛ̍, dɛ̍nu̍ɛ, ti̍ gbò joi-a mu̍-a ja-a, pò flìwe̍, pò maɔ̍ tòloo, pò sɔ̀nwɔ̍i̍n, iě pò klàɛ̍we̍, mɔ̀ se̍ ɛ̍ juo o. Pò ɔ̍ kèè mɔ̀ kɛ̍n-ɛ, wɛ̀ ɔ̍-ɔ je̍e mɔ̀ nyinɔ̍ i̍ jɛɛ o. Nɛ̀ dɛ̍ ǎn bla̍-a dě mɔ̀ we̍-ɛ, ǎn bla̍ ɛ̍ dě nyɔ̍ kli̍hgbɛ̍ we̍. Na̍a̍, mɔ̀ tù-o jlǐhɛ̍ o.”

Bloa̍ ke bloa̍-a mu̍ fɔ̀n, wɛ̀ kɔ̀mla̍ ke kɔ̀mla̍ iě fɔ̀n. Nɛ̀ wlù poɔ-a mu̍ blǔh kli̍hgbɛ̍ i̍ sèke, wɛ̀ mɔ̌ iě gbǎ. Jɛ nɛ̀ i̍h wɔ̀ ka nynɔ̌-a kwlǐ-a tɛ̀n gbǐh ɔ̍ iě gbàɔ̀n sà-ɛ.

Jɛ ti̍ iě chlà-ɛ, nɛ̀ pɔ̀n chɛ̀-a tìh-a mu̍ bla̍-ɛ ke̍ sàǐtòò blǔh kli̍hgbɛ̍ kɛ̍n i̍.

Nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Nyɔsoa-a Chèɛ̀ Tba̍ju.’ Nɛ̀ u̍h-a mu̍ nyɔ̍ dɔu-a dlǔ wìè-e sàɛ̀.

“Jɛ mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, u̍h-a mu̍ mɔ̀ gbɛ̍n, wɛ̀ u̍h iě mɔ̀ koti̍ i̍ po̍. Nɛ̀ u̍h-a mu̍ mɔ̀ bla̍ dě wɛɛ sà gbòᵻ sɔ̀n i̍. Nɛ̀ u̍h-a mu̍ mɔ̀ i̍ nyna-ɛ dǒ kɛɛ̍n nyɔ̍ ke blǔh baaᵻ jǔ ǎn tìh. Dǒ mɔ̀-a mu̍ pɔ̀n chɛ̀-a tìh bla̍-ɛ dě u̍h we̍.

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

“Dǒ wǐh laa̍ di̍i̍ pò jua̍i̍ sàɛ̀ la ɛ̍ chɛn i̍-ɛ, ɛ̍ se̍-o wlè mu̍, nɛ̀ jlǔh-a mu̍ gbe, nɛ̀ chǔh se̍ fa̍n mu̍ dɛ. Nɛ̀ chǔhtlɛ̀n-a mu̍ dě ja̍u̍n wlì blu̍. Nɛ̀ gbǐh nɛ-a dě ja̍u̍n wlì-ɛ, i̍h-a mu̍ tèla̍ wlǔh.