Popular Bible Verses from Luu 14

Share

“Pò nyɔ̍-o-nyɔ̍ gbǎ dǒ ǐn de̍e̍ wɛ̀ ɔ̍ iě ɔ̍ de̍ ke, ɔ̍ baa ke, ɔ̍ nynɔ̌ ke, ɔ̍ nynuu̍ ke, ɔ̍ de̍di̍i̍ᵻ jɔ̍gbauᵻ ke, de̍di̍i̍ᵻ nynɔ̌gbaɔᵻ ke ɔ̍ chɛ̀-a feɛ-a tìh kma ɛ̍ iě-a ǐn sìì-ɛ, nɛ̀ ɔ̍ se̍ ǎn kòà nu̍-ɛ bɛ̌ɛ.

Nyɔ̍ jɔ se̍-a ɔ̍ naɛ gbàɛ̍ kɛ̍n i̍ tu̍-u dǔ mu̍ wɛ̀ ɔ̀ iě-a dǒ ǐn de̍e̍ gbǎ-a dǔ-ɛ, nɛ̀ ɔ̍ se̍ ǎn kòà nu̍-ɛ bɛ̌ɛ.

Dɛ̍nu̍ɛ, nyɔ̍ jɔ dǔ-a ɔ̍ chɛ̀ ja̍i̍-ɛ, nɛ̀ ɔ̍ mu̍ wlù ja-ɛ. Nɛ̀ nyɔ̍ jɔ ja-a ɔ̍ chɛ̀ wlù-ɛ, nɛ̀ ɔ̍ mu̍ ja̍i̍ dǔ-iɛ.”

Kǎ ɛ̍ nɛ ke, pò mɔ̀-a nyɔ̍ se̍ ɔ̍ blě-dɛ̍ᵻ kli̍hgbɛ̍ i̍ tǎli-ɛ, nɛ̀ ɔ̍ se̍ ǎn kòà nu̍-ɛ bɛ̌ɛ.

Pò mɔ̀-a nyɔ̍ ja pɔ̀n ɔ̍ iě gbàsla klaa po̍-ɛ, nɛ̀ ɔ̍ tè i̍ ke̍ sàǐtòò ɔ̍ iě dɛ̍ tìèwe̍ ɛ̍ mu̍-a po̍-ɛ slè pò ɔ̍ blě ɛ̍ wlǐ ɔ̍ iě ɛ̍ i̍ wɔ̀-ɛ. Pò ɔ̍ se̍ la̍a̍n nu̍ wɛ̀ ɔ̍ iě ɛ̍ wlù i̍ po̍, iě ɔ̍ se̍ ɛ̍ i̍ wɔ̀-ɛ, nɛ̀ nyɔ̍ kli̍hgbɛ̍ ùh-a mu̍-a ɛ̍ jě-ɛ, u̍h-a mu̍ ɔ̍ kǐhlɛ. Nɛ̀ u̍h-a mu̍ ka dǎ, ‘Jɔ̍gbau la ɔ̍ tè ɔ̍ gbàsla po̍-ɛ gbɔ̀, jɛ ɔ̍ se̍ ɛ̍ i̍ wɔ̀-ɛ bɛ̌ɛ.’

Jɛ pò ìn dǎ peě-ɛ, nɛ̀ ìn dǎ nyɔ̍gbà nyɔ̍ ke, i̍ kɔ̌-nyɔ̍ ke, klɔ-nyɔ̍ ke dɔ̌-nyɔ̍. Nɛ̀ àn mu̍ i̍ nmɔ, dɛ̍nu̍ɛ, u̍h nɔ̀ɔ̍, u̍h se̍ àn gba̍ sà-a bɛ̌ɛ. Jɛ ti̍ i̍ slɛ̌-nyɔ̍-a mu̍-ae wlǔh-ɛ, dǒ Nyɔsoa-a mu̍ ìn pɛ̌ɛ.”

“Tɔ̌n nmɔ jii̍, jɛ pò ɛ̍ wɛ̀ wɔ̍n-ɛ, nɛ̀ nyɔ̍ se̍ ɛ̍ wɔ̍n nmɔ-ɛ bɛ̌ɛ dɛ. Nɛ̀ ɛ̍ se̍ jii̍ nmɔ dɛ dǒ blǔh ke tù-dɛ̍ᵻ nmɔ-ɛ dɛ̍ᵻ we̍. Nɛ̀ nyɔ̍-a po̍ la̍ ɛ̍ de̍ sǔh. Nyɔ̍ flɔn-a dounᵻɛ́, nɛ̀ ɔ̍ po̍-e dounᵻ.”