Popular Bible Verses from Nu̍-dɛ̍ᵻ 5

Share

Wɛ̀ Pitɛ bei sà u̍h-a wlu̍ pɔ̀n we̍, u̍h la̍a̍, “À kɔn à iě Nyɔsoa-a wlu̍ nu̍ ɛ̍ iě nyi̍ɔ̍ naɛ sìì.

Ka Jusu nu̍-a Nyɔsoa-a Chèɛ̀ Tba̍ju-ɛ, ka sɔ̀n-a sɛ̀n-a, kǎ u̍h-a mu̍ dě Nyɔsoa-a slaǎ sà gbò sɔ̀n ke gbòᵻ di̍i̍ i̍ iě u̍h-a poe ɛ̍ nyɔ̍ nǎ u̍h-a bla̍ ɛ̍ we̍i̍. U̍h-a wɔ̍n se̍ kǎ sèàn tàǎntàn.

Wɛ̀ Pitɛ la̍a̍, “Ɛlenaea, dɛ̍nu̍ àn wɔ̌n iě Setɔn-a gbǎ dǒ ìn pɔluh kɛ̍n wɛ̀ àn tmɔ̌-ɛ Nyɔsoa-a Sùù si̍h wɔ̍i̍n iě àn si̍e̍ àn blǔh-a wlǐ diih dǒ àn chɛ̀ de̍e̍ ɛ? Ìè-a blǔh laa̍ ple̍-ɛ, nɛ̀ mɔ̀ kɔn ɛ̍. Wlǐ ɛ̍ jě-aɛ, mɔ̀ kɔn i̍h ke. Dɛ̍ bo ɛ̀ po̍ dɛ̍ kaɛn la dǒ ìn pɔluh kɛ̍n ɛ? Ìn se̍ nyi̍ɔ̍ si̍h wɔ̍i̍n tmɔ̌-ɛ, jɛ Nyɔsoa bo ìn tmɔ̌-ɛ si̍h wɔ̍i̍n o.” Ɛlenaea wɔ̌n-a wlu̍ la-a, ɔ̍ kà i̍ iě ɔ̍ mɛ̌. Nyɔ̍ kli̍hgbɛ̍ ùh wɔ̌n-a pɔ̀n la-a, u̍h gbǎ faɔn.

Nɛ̀ɛ̍ kaka la̍, ǎn sèàɛ̍ mɔ̀ wlùh mɔ̀ iě nyɔ̍ la sɔ̍n pùn sà. U̍h mu̍ u̍h-a dɛ̍. Dɛ̍nu̍ɛ, pò u̍h-a di̍i̍chì ke nu̍-dɛ̍ sɔ dě nyi̍ɔ̍ ja̍a̍-ɛ, nɛ̀ ɛ̍ mu̍ ja̍a̍i̍ gbǎ tiɔ. Jɛ pò ɛ̍ sɔ dě Nyɔsoa we̍-ɛ, nɛ̀ mɔ̀ se̍ nyɔ̍ la klà sà-a bɛ̌ɛ o. Mɔ̀ se̍ nɛnɛ̌ nu̍-ɛ, nɛ̀ mɔ̀-a fɔ̀n la̍ Nyɔsoa we̍ sǔh o.” Sɔ u̍h wɔ̌n ɔ̍ wlu̍-u i̍ ke.