Popular Bible Verses from San Mateo 18

Share

Ta sota showa ono tedo ja esa‐nop pangkep son si‐kak, ẃara‐ak son si‐kara nontan na inkasa‐nop sha.” Sajay den emin, inkowan nen Jesus.

“Iyay pay i ikowan ko son si‐kayo. Sota showen too shiya dobong, no nan‐inges i nemnem sha maypangkep ni shaka pan‐ishawat so nen Apo Shiyos ja Amak shi dangit, sota kekshawen sha, si‐katoy medeka.

Jet si Jesus, ena‐ẃal ni nga‐nga jet inpaledjat to nodta nankinaw‐an ira nonta too to, jet kowan to son si‐kara ey, “Podno iya ikowan ko son si‐kayo. No eg jo i‐onod ja ingesen iya nga‐nga, eg kayo mayda‐kam shi pantoshayan nen Apo Shiyos.

Sota mengibeba ni bakdang to shorog ja inges toy kepesing niya nga‐nga, si‐katoy engato et ngo mowan i saad to shi pantoshayan nen Apo Shiyos.

“No sipa ken too ja mapteng i pesing mo so ni inges niyay ya nga‐nga maypangkep ni semek mo son si‐kak, si‐kak met laeng i tinoshong nonta inpasing mo.

“Agpayso iya inkowan ko son si‐kayo. No ngarantoy iparit jo ono ipalobos jo shiya dobong, itolok nen Apo Shiyos ja ẃared dangit ja si‐katoy medeka.

“Sajay i arig ni kepesing nen Amak shi dangit son si‐kayo no eg jo pekawanan sota kait jo ja manbesol son si‐kayo. Jet mesepol pay ya podnoy pesing jon memekawan.” Kowan nen Jesus.

Nem sota istay mengi‐kan ni panbesolan ira niya nankebaben emati son si‐kak, say panmaptengan nontan na too ket ma‐ono‐an koma ni ebadeg ga bato jet en mayteb‐ok shima debeng nga baybay. Sotan i panmaptengan to ta engka‐jas sotan na keshosa to nem say sota penosa nen Apo Shiyos son si‐kato ja pengikesho to no istay itoloy ton panbesol sota kait to.

“Piyan kon amta‐an i joka pannemnem niya ikowan ko. No bilang ey ẃaray toon nankalniro ni sandasos, nem sota sakey imaraẃi, aliẃa ngaten sotan na too ket idekjas to sota siyam ma polo tan siyam shima shontog jet pilit ta to enapen sota sakey ya imaraẃi?