Popular Bible Verses from San Lucas 10

Share

Si‐kak i engibetkag son si‐kayo et angken manshedan kayod dilikaron dogad, enshiy mepesamak son si‐kayo. Mebedin jon ebaken i kabakal jon si Satanas, jet eg kayo ma‐an‐ano.

Nem si Apo Jesus, kowan to ey, “Marta, Marta, ngantoy? Kaka emanshanag ni moka pan‐inolin eman‐obda? Sakey bengat i kasapolan jet si Maria, amta toy mesepol et pinidi toy mapteng nga eg mebedin na ma‐kal son si‐kato.”

Sota maistoron ememeshas son Jesus, simongbat ja kowan to ey, “Say kowan to, ‘Semek mos Apo Shiyos ja si‐katoy pengitoshongan mo ni emin na ẃara son si‐kam — emin na ẃared posom, emin na kedsang mo, tan emin na nemnem mo.’ Tan kowan to pay ey, ‘Semek moy kait mon too ja inges toy moka penmek so ni bakdang mo.’ ”

Jet say kowan to son si‐kara, “Eshakel iray toon may‐eshig ey ma‐epit nem kolang iray man‐obda. Si Apo Shiyos i mengibetkag ni toon mengepit, isonga si‐kato ngoy pengshawan jo say mengibetkag ali ni on‐atang son si‐kayo.

Jet si Jesus, inbaga to so nonta maistoro ni dinteg ey, “Jet saja tedon too ja nanshalan nodta kad‐an ni toon etolisan, sipa son si‐kara i kowan mo ey kait to?” Sota maistoro ni dinteg ja nansalodsod, simongbat ja kowan to ey, “Simpri sota engaasi son si‐kato.” Jet si Jesus, kowan to ey, “Owen et sajay ngoy pesing mo so ni eshom.”

Daw kayo ma, nem tanshaaniyo ta ibetkag takejo ja singa kalniron naydaok shima atap pa aso.