Popular Bible Verses from San Juan 19

Share

Jet idi ninamtan nen Jesus sota tapey ya inka‐ẃat nonta solsharo shi bongot to, kowan nen Jesus ey, “Naksheng ma.” Jet nanjokmos, asan ma ma‐bosi.

Jet nontan ma, amta nen Jesus ey nontan ma i kepospos nonta obda to, jet inkowan to ey, “Na‐keẃak ni shanom.” Ta piyan ton metongpal sota inkowan ni padto ja naysolat nonta bayag da ja pangkep son si‐kato.

Jet si Jesus, idi inon‐an to ja dimayat nodta nay‐esop son si‐kato sota sakey ya apostol ton ensemek ton pasiya, tan inon‐an to ja ẃara si ineto, kowan to ey, “Nanang, si iyay may ibilang mon anak mo!” Jet inkowan to ngo so nonta apostol ey, “Si‐kato may inam!” Jet nontan ma ja akew, inodop nonta apostol sota ina nen Jesus shi baley to ja meki‐iyan ma shiman.

Nem idi onsabi ira sota solsharo so nen Jesus, inon‐an sha ja etey ma si Jesus; isonga binay‐an sha ja eg sha kinetdoy sedi to. Nem sota sakey ya solsharo, intebek toy kayang to shi tagdang nen Jesus, jet imayos alin shagos i shala, tan shanom.

Eg kinetdo ira nonta solsharo i sedi nen Jesus, ta naypadto nonta bayag da ey angken sakey ya pokel to ket enshiy en ma‐an‐ano. Tan ẃara pay i naysolat ta naypadto nontan da, ja kowan to ey, “Asen sha met laeng sota toon timbek sha.”

Jet sota ira Hodiyos, indara ma si Jesus jet inbo‐day sha jet inpasakbat sha son si‐kato sota koros to, jet indaw sha nodta dogad ja kowan sha ey Toktok, ja no shi esel ni Hodiyos, kowan sha ey Golgota.

Jet sota ira solsharo, engosikos ira ni ẃakal la nasbitan asan shaka paidnget son Jesus, ja singa korona to. Tan binesho‐an sha pay nonta dopot ja violet i kolor to, ja singa baro ni ari.