Jet si Felipe, inshalan ni Ispirito Santo nen Apo Shiyos ja en mekilokan son si‐kato nodta kalisa. Isonga si Felipe, kinano‐an ton en nay‐askang nodta kalisa, jet intenengan ton panbasa‐a nonta opisiyal sota padto nen Isaias. Si Felipe, inbag‐an to nem toka eẃati sota toka panbasa‐a.
Jet sota opisiyal, kowan to ey, “Enshi, ekak eẃatan. Mesepol la ẃaray mengi‐odog son si‐kak ni olog to.” Jet ineẃis tos Felipe ja mekilokan nodta kalisa to.