Popular Bible Verses from Romeŋ 3

Share

Ɗuwo pay miŋ an tʼize olɗiko, iŋkino an di liɗɗe ti Raa wo ti goolikadí te. Wo Raa ti beekadí gette, ɗuwo yʼan ize ɗoŋ ki diine a ɗaanadí ki waawiye, tʼurzi kʼIsa Almasi yoŋ yʼan uɗɗe tʼadda kʼolɗiko.

Raa yi diʼn isiyo ɗuwo ki diine a ɗaanadí tʼurzi zaapu kʼadde a Isa Almasi. Urzi geŋ, yoŋ yi yʼihina a kane ɗoŋ pay i ziipe addaŋ a Almasi, kono ise Yawudusu, Yawudusu ye toŋ, âhuntu tudde umbo.

Yoŋ geŋ Raa yʼelo seɗeke, yʼa inda puuzadí tʼa iɓi ki booyiso kʼolɗiko ki ɗoŋ pay i ziipe addaŋ a yode. Raa yʼize iŋkino, kono yi dehu yʼa kize daayum yoŋ ki diine. Yoŋ ki diine ti kaaga to, ɗuwo an ize olɗiko toŋ, yʼa imɓin̰a yi-ki tiʼn ele daŋgay ye. Wo aŋken̰n̰o yoŋ daayum ki diine, yi dehu yʼa kize yoŋ ki diine, wo yʼan ise ki diine a ɗaanadí kane ɗoŋ i ziipe addaŋ a Isa me.

Geŋ kono kʼiŋkino wenɗa soo toŋ umbo, Raa yʼa yʼise ki diine a ɗaanadí tʼurzi daaniya kʼoogoro me, oogoro gette todʼ tʼeliyo urzi ɗaŋŋal ɗuwo an di suuniyo olɗiko ere an ize.

Ono eŋ an riiŋe ti kaaga adda mattup ki Raa, anʼde: «Wenɗa ki diine a ɗaana Raa umbo, ise soo toŋ maŋ. Wenɗa a suune ɗerec ki Raa umbo, ise wenɗa soo toŋ umbo a dehe Raa me. Kane pay an tʼuɗɗe tʼurzi wede ɗerec ki Raa, pay kaŋ soo an dʼisiyo ulsu mirsi, wenɗa aase munɗa wede beehiye umbo, ise soo toŋ maŋ.

Eyye, kine in suune, kane ɗuwo Raa yʼan diʼn isiyo ɗoŋ ki diine a ɗaanadí tʼurzi zaapu kʼaddaŋ a Isa, tʼurzi daaniya kʼoogoro ye.

Aha, iŋkino ye! Kine in suune Raa geŋ yi rootiyo ono ɗoŋ ɗerec, wo ɗuwo pay geŋ ɗoŋ lohito kʼono. Ɗerec, ono eŋ an riiŋe ti kaaga adda mattup ki Raa, anʼde: «Kee Raa aame ki rootiyo maŋ, i dehu ɗuwo an gi di suune kee ki diine, wo aame ɗuwo an ɗekkiyo booro eedá toŋ, kee booro ti ki seeɗu ye.»