Popular Bible Verses from అపొస్తు 17

Share

ఎందనిఙ్‌ ‌ఇహిఙ ఉండ్రి వేలా వారు నఙి ‌రెబాజి వానార్సు ఇజి ఇక్కెఙ్‌ విజు దేవుణు ఏర్‌పాటు కిత్తాన్‌. దేవుణు మా డగ్రుహాన్ ‌దూరం మంజినికాన్‌ ఆఏన్.

దేవుణు ఒరెన్‌ వన్ని వెట విజు జాతి లోకాఙ్‌ పుటిస్తాన్. ఎందనిఙ్‌ ఇహిఙ యా బూలోకం ముస్కు విజుబాన్‌ బత్కిని వందిఙ్‌ పుటిస్తాన్. వారు ఎంబె బత్కిదెఙ్‌ ఇజి, ఎమేణి కాలమ్‌దు బత్కిదెఙ్‌ ‌ఇజి దేవుణు ముందాల్నె ఏర్‌పాటు కిత మనాన్.

పవులు మరి వెహ్తాన్, “యా బూ లోకమ్‌దిఙ్, ‌దన్ని లొఇ మన్ని విజువ నకాఙ్, ‌దేవుణునె పుటిస్తాన్. అయ దేవుణునె పరలోకమ్‌దిఙ్, బూమిదిఙ్‌ ‌ప్రబు ఆత మనాన్. అయ దేవుణు లోకు ‌తొహ్తి గుడిఃదు బత్కిఎన్.

ఎందనిఙ్‌ ఇహిఙ, దేవుణు విజేరె లోకాఙ్‌ నీతినిజయ్తిదాన్‌ తీర్‌పు కిదెఙ్ ‌ఉండ్రి రోజు ఏర్‌పాటు కిత మనాన్. అయా రోజు దేవుణు ఏర్‌పాటు కిత్తి ఒరెన్‌ లోకువెట తీర్‌పు తీరిస్నాన్. దేవుణు ఆ లోకుదిఙ్‌ ‌సావుదాన్‌ మర్‌జి నిక్త మనాన్. ఎందనిఙ్‌ నిక్తాన్ ‌ఇహిఙ ఆ లోకుదిఙ్‌ తీర్‌పు కిదెఙ్ ‌అతికారం మనాద్‌ ‌ఇజి విజేరిఙ్‌ రుజుప్‌ కిదెఙ్”.

అందెఙె మాటు దేవుణు కొడొఃర్‌ ఆతిఙ్, లోకు, వరి మన్సుదు మన్ని ఆలోసనం వజ, వారు నెస్తిమన్ని పణి వజ బఙారమ్‌దాన్, వెండిదాన్, పణుకుఙాణ్‌ తయార్‌ కిత్త బొమ్మెఙ వజ దేవుణు మనాన్‌ ‌ఇజి ఒడిఃబిదెఙ్ ‌ఆఏద్‌.