Popular Bible Verses from Mak 10

Share

Kulorinio Kenerinio mila jibena ruei, na naio maka rimei ka tomu nalo aija naio, mia naio binimei ka rijai tomu nalo a ka rijamo ka kiano meuliano ka rivulu bulag tomu ve miroano.”

Mia Yesu jirarag bitikarlo, berinavo “Toro maka rijikia rilarur toro, mia Atua naio mijikia rila vite nonovio.”

Mia Yesu ber kanio, berinavo “Bo, jau komijikia kavan bere ea kiamo vonuo, kiamo viekouoiano naio mila na jau kobinimei bo ruei.” Mia toro nei naio mial vatitig vite ea aura nene ga, mia naio jo mieliel ea m̃arabo, naio jo jakisor Yesu bano.

Mia venia na Atua miasolio binimei be takurano, maka rimemedu ka toro silubar bereio.”

Ana Yesu bitikar naio bano-o, tinien jii naio toru bior kanano iliano nei, ana naio berkanio, berinavo “Vite takurano ga jo keano vo, napano jau maka kalaio vo. Jau kava koṽiliṽili bulag ka kanamo vite nonovio nalo, ana jau kavar veru na vite nalo nene, jau kava kotiburevure van talim̃asa nalo. Ver jau kala tibena, mia jau ve kanamo vite novonovo nalo ve miroano ea tiniabene. Mo, jau kava kalaio, karina komei katakisor kiniou.”

Mia Yesu bika den naio berinavo “?Ana jau kojidom mia nala vaio kaso?” Mia toro nei berdop̃e, berinavo “Tubo, aua, kiniou nojidom ka kala miraku nalo rimei rivu, ka kiniou nejikia nesirarago.”

A kiaku naiagagoano nalo kenemiu bajago monoka tibena re. Verver kamiu tai sidom ka rimei rive toro na toru tai p̃eli naio rimei rive kenemiu toro na vurim̃araboiano tai, kiano m̃arabo jibe nei. Toro na monoka rimei tibe toro tai ga na rim̃au kenemiu.

Kiniou neber riano ka kamiu, ka toro napano naio jidom riva jouro ea Atua kiano navenatuboiano, naio monoka rijikia ka naio javukia kiritete teliki tai ga, naio maka rijikia rila vite tai ka rila ka naio rudu Atua kiano navenatuboiano nei ea kiano meuliano.”

Mia tomu telabo napano m̃a aju mave vonganei, iorou nalo atu yetano, a nalo napano m̃a aju yetano vonganei, iorou mia nalo atu mave.”

Mia jikario ea tiiano naio maka tibena, bior napano Atua kanano iliano lu naio berinavo ‘Ea burupati Atua jii tomu nalo, napano sum̃ano bija tira.’ “A iliano dolu bunu berinavo ‘Tibena, mia toro tuvan karam̃ano a kenieno, naruei riva to rivijurukar vija koano, naruei naljuo abinimei abe takurano ga.’ “Nina naio mila ka naljuo maka bunu ave juo, mia naljuo abinimei abe takurano ga.