Popular Bible Verses from Rkaa̱ 17

Share

Kó Kjisoo̱, bi̱ katsoó kui nda̱a̱: –Ti̱sítji̱n, kó tꞌen ꞌne̱, kjo̱a̱sꞌijìi̱n xí je tsꞌaxiéꞌaá ji.

Tsi yito ndi̱yà sa̱ꞌínjé kondra̱ tse̱ nga ngo ni̱xtjii̱n, kó tsi yito ndi̱yà bi̱ ka̱tso̱o̱: “Sa̱ꞌínkꞌoyà an yojona, ti̱ꞌinjetakínní”, ti̱ꞌinjetakíi̱n.

Kósꞌe̱ ngo kui jaá, nga kamábe nga je kamándaya, kijíꞌoyá nginí nínga tikón Kjisoo̱, kó askjandáyà má nga katsjaá kjo̱a̱je Néná, kó nga jachókoón Kjisoo̱, asiéntikoó ngaskande nga jachótꞌaa̱ kje̱n tꞌanangii̱ nga katsjaá ndokꞌóchjì, kui nda̱a̱ ki̱a̱ chji̱a̱ni nangi Samaria̱.

Kuíni nga, ¡chónjnú ngayeje ni xi si̱ꞌánjnú! Tsi ngo ntsꞌie sa̱ꞌín ngo jé, ti̱ꞌinxchínje̱ ji, kó tsi sa̱ꞌínkꞌoyà yojoo̱ nga ngiti̱ bo̱a̱jín sa̱ꞌín, ti̱ꞌinjetakíi̱n.

Sꞌe̱ Kjisoo̱, bi̱ katsoó kui nda̱a̱: –A tiejín májnú xi kamátsjiejón chiꞌinjnú. Kó xi ngi nijaa̱n ñá síndo ki.

Sꞌe̱ Kjisoo̱, bi̱ katsó: –Tsi ndeta̱ chií tsí sꞌijinjnú Néná, xikó má tsꞌén xi̱xi̱ xojmaá mostasaa̱, ka̱ma bi̱ kꞌuínjnúu̱ kui yá sikómoroo̱: “Ngatjoníyá ji, kó ngi̱jin ndáchíkoón ngatamatji̱e̱ ji”. Kó ku̱i̱ntꞌiéꞌénjnú kui yaá.

Ngatꞌa̱ ngayeje xi mejeén kꞌo̱xiéꞌá kjo̱a̱mindyioo̱n, ta̱sá sa̱ꞌínchaja, kó ngayeje xi sa̱ꞌínchaja kjo̱a̱mindyioo̱n ta̱ngatꞌanii̱ an, kuí boá xi kjo̱tjoꞌa.

Sꞌe̱ Kjisoo̱, bi̱ katsoó nga tsíchji̱a̱jo xota̱ tsi̱ꞌe̱: Achichí niꞌin kjiꞌi nga jmíjín xi sti̱ngí kjo̱a̱a̱ nga ngo jé sa̱ꞌín, ¡ta̱nga ni̱ma̱ xò xí sa̱ꞌín ngo ni, tsi̱ꞌe̱ nga kje̱ꞌe xí sa̱ꞌínjé! Ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin ndáchíkoón, ta̱bo̱a̱jiín tsi ngo ni sa̱ꞌín, tsi̱ꞌe̱ nga ngo kui jákjíndií sa̱ꞌínjé.

Kó xikó kamá ni̱xtjin nga kisꞌijña Noee̱, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n. Xotaa̱ Iskjinie, ko̱jo katsꞌe, ko̱jo ixán, ko̱jo katsꞌénkixan xkjín, ngaskande nga Noee̱ tsꞌasꞌien ngi̱ya tjotso jee̱, sꞌe̱ kjindibá stsé ꞌniuú, kó katsꞌénkjié ngayeje xotaa̱.