Popular Bible Verses from Éksondo̱ 5

Share

Moisee̱ ko̱jo Aaroo̱n jaskan nguije tsíchji̱a̱jo xota̱ Israee̱l, kijíkoón nda̱ ree̱ nangui Ejipto̱, kó bi̱ katsoó: —Ne xi tsi̱ꞌe̱ xota̱ Israee̱l ngo én katsanguiyaa̱ ji nda̱ re, kó bi̱ tsó: Teꞌéndiée̱ nga kjo̱tjo xota̱ na̱xi̱ńdána tsi̱ꞌe̱ nga sa̱ꞌínna ngo sꞌué ki̱a̱ nangui kixií.

Ngatꞌa̱ ndeskande koó nga jéꞌe̱ an nangui Ejipto̱, kó nga kijíkóo̱n nda̱ ree̱ nga katsóyaa̱ én xí kananguiye ji, kui nda̱a̱ ngatsjé ni̱xtjin nga ndajín tjitsꞌénjo̱ xota̱ na̱xi̱ńdáa̱, ta̱nga ji, nde kji̱e̱ niꞌíndéjínjne̱.

Kósꞌe̱ Moisee̱, bi̱ katsoó Néná nga tsíchji̱a̱a̱: —Ne tsa̱ꞌa̱n, a kuí xá kananguiyéní kꞌi̱e̱e̱. A ta̱ tsi̱ꞌe̱ nga sa̱ꞌinkꞌatio tsí an kjo̱a̱ni̱ma̱ xota̱ na̱xi̱ńdáa̱.

Ta̱nga nda̱ ree̱ bi̱ katsó: —Kó ꞌyání bo̱a̱ kui Nee̱. Kó ánní nga an kuintꞌieꞌén kóo̱n. ¡Ngojín nee̱ xota̱ Israee̱l xi be an, kó ti̱ nde tsjandiejín an nga kjo̱tjojnú!

Ta̱nga chjiéngá ꞌniú kꞌuijñájnúu̱ nga to̱kó bo̱a̱ kjiꞌi ńdie kachján sa̱ꞌínda, jmí tsi chiboa ngase. Xota̱ tsiꞌé boá kui xota̱ Israee̱l, kjo̱a̱a̱ nga jmíjín ngasee̱ xá, kuíni nga ndyi̱kjandáyá nga bo̱a̱ ndyi̱tsó nga ko̱e̱ꞌéndiéjne̱ nga nangui kixií ko̱e̱je̱ tsꞌendíkón Nee̱. ꞌNiú ti̱ꞌánjnúu̱ tsi̱ꞌe̱ nga ꞌniú ngase sa̱ꞌínxá, ki̱a̱ ka̱maa̱ nga sa̱ꞌínsénjiín én ndisó xi ndyi̱chji̱a̱ Moisee̱ ko̱jo Aaroo̱n.