Popular Bible Verses from Éksondo̱ 2

Share

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandáyá nga on kjimaa̱ ni xi kjimataꞌin kui xotaa̱, kó kjiꞌa boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

Nguije jaꞌa kjín nó, kꞌien nda̱ re xi chji̱a̱ni nangui Ejipto̱, kó xota̱ Israee̱l achichí ni̱ma̱ katsó kjo̱a̱a̱ nga moso̱ kamá ki̱a̱a̱, ngatꞌa̱ tsie kjo̱a̱ni̱ma̱ jaꞌa.

Nguije kamáxchá kuí ndií, kijíjoo̱ tsa̱kji̱ín nda̱ ree̱, kó kui tsa̱kji̱ín katsꞌén tsi̱ꞌe̱ kui ndií, kó «Moise̱» ítꞌa jaꞌén, «Án boá xi tsꞌaxié an ngu̱i̱jin ndójoaa̱» tsó kui jaꞌeén.

Nga jachó kui xota̱chjo̱ón, tsa̱kji̱ín nda̱ ree̱, bi̱ katsoó: —Tꞌenje̱ chií ji kui ndií ndiꞌáa, ti̱ꞌinki ji, kó ti̱ꞌinxchéní, kó an kꞌuichjií. Kó kui xota̱chjo̱ón kijíjo̱ kui ndií, kó askoo̱n.

Ngui̱chí sájín tsa̱kji̱ín nda̱ ree̱ nangui Ejipto̱ kijíngoyá ndejeé, kó tji̱e̱nga tjimá ki̱a̱ tꞌa ndejeé kui ko̱jo ínchjín chji̱ni̱e̱ꞌboo̱, kamábe kui ni̱se̱nya̱á ki̱a̱ ngu̱i̱jin nínga tjín yánaxoo̱, kó katsanguiya ngo chji̱ni̱e̱ꞌboo̱ tsi̱ꞌe̱ nga ko̱e̱je̱kjaꞌá.

Nguije jaꞌa kjín nó, nguije xchá Moisee̱, ngo ndi̱ya kijí nínga ndyi̱tsꞌénxá xota̱ nanguii̱, nínga achichí ꞌniú xá moso̱ xi katsꞌén, kó ta̱niján má kamábe nga ngo nda̱ Ejipto̱ tsꞌénbeꞌeé ngo nda̱ Israee̱l, kó Moisee̱ askotsijen nga ngo foaꞌatjiyajoo̱n, kó nga taꞌyajín xi kamábe, katsꞌénkꞌién nda̱ Ejiptoo̱, kó ki̱a̱ íjñaꞌma yojoo̱ kui nda̱a̱ ki̱a̱ ngu̱i̱jin tsomií.