Popular Bible Verses from KAJADIAN 50

Share

Enya bareto kuring ku aranjeun dicilakakeun. Tapi ku Allah geus dibalikkeun jadi pitulung, sangkan kuring bisa nyambung umur sanak baraya anu sakitu lobana, nya geuning ayeuna bukti aranjeun bararisa keneh hirup. Nya ti dinya lantaranana.

Ari saur Yusup, ”Ulah sieun ku kuring. Kuring moal ngangkat diri jadi Allah.

Geus ulah sieun-sieun. Aranjeun saanak incu ku kuring baris diurus.” Pilahir sakitu genahna, matak nengtremkeun raka-rakana, nyerep genah karasana, plong hatena ngararemplong.

’Bejakeun ka Yusup, Ama menta sangkan hidep daek ngahampura dulur-dulur, kajahatan jeung dosana ka hidep. Ku margi kitu, mugi-mugi sim kuring sadaya, abdi-abdi ka pangersa Allah panutan tuang rama, dihapunten samudaya kalepatan.’ ” Sanggeus dihaturkeun, Yusup ngadanguna nepi ka nangis.

Ti dinya anjeunna wewekas ka saderek-saderekna, ”Umur kuring moal lila deui. Tapi aranjeun baris tetep diraksa ku Allah, tur engke dicandak budal ti ieu nagara, dipulangkeun ka tanah anu ku Mantenna geus dijangjikeun ka Ibrahim, Ishak jeung Yakub.”

Geus kitu eta putra-putra Yakub ku Yusup sina sarumpah, saurna, ”Aranjeun kudu sumpah, yen mun geus aya pitulung Allah budal ti dieu, tulang-taleng kuring kudu dibawa.”

Yusup pupus dina yuswa 110 taun. Layonna ku maranehanana dibalsem, terus disimpen dina peti mati.