Popular Bible Verses from MALKU 13

Share

Yè na gbẹwanna mì sọn gbẹtọ lẹpo de na oyín ṣie tọn wutu; ṣigba mẹhe sinyẹnlin kaka jẹ opòdo wẹ yè na whlẹngan.

Mì payi, na mì ni sọ nọ hó mìde, na mì ni sọ nọ hodè: na mì ma yón whenuena ojlẹ lọ yín

Podọ whenuena yé plan mì jẹ whẹ̀dida mẹ, bo jo mì, mì yín wénhatọ jẹnukọn na núhe mì na dọ tọn blo: ṣigba nudepope yè na na mì to ojlẹ nẹ mẹ, enẹ mì ni dọ: na é ma yín mìwlẹ wẹ to hódọ, adavo Gbigbọ Wiwe.

Olọn po aihọn po na juwayì; ṣigba ohó ṣie ma na juwayì gba.

Ṣigba na azán nẹ tọn, kavi ojlẹ nẹ, mẹde ma yọnẹn, lala, yèdọ é ma yín angẹli he tin to olọn mẹ lẹ, kavi Ovi, adavo Otọ́

Whenuena mì na sè awhàn linlin podọ zinzin awhàn tọn, obu di mì blo; na onú he hunkọ ma sọgan nọ ma jọ; ṣigba opòdo ma yin dinvie gba.

Enewutu mì ni to alihò; na mì ma yọ́n whenuena owhénọ lọ na wá, eyín tenu wẹ, kavi to zánhòme, kavi koklolise, kavi to afonnu. Gigò ajiji é nikã mo mì to amlọndọ Onú he yẹn dọ hiàn mì, yẹn dọ hlan omẹ popo, Mì to alihó.

Na akọta na fọ́n do akọta ji, ahọludu do ahọludu ji: aigba whinwhàn lẹ na tin to ofi delẹ, huvẹ lẹ po magbojẹ lẹ po nasọ tin; ehelẹ wẹ dòdo nukunbia lọ tọn.

Yè ma sọgan nọ ma dọhó wẹndagbe tọn pó akọta lẹpo ṣẹnṣẹn whé.

Na gbẹtọ susu na wá to oyín ṣie mẹ bo dọ, Yẹn wẹ Klisti; bo nasọ klọ ome susu.

Ṣigba mì payi mìde go: na yé na yí mì do alọ tohodọtọ lẹ tọn mẹ; yè na lìnu mì to sinagọgu lẹ mẹ: tògán lẹ po ahọlu lẹ po nukọn wẹ mì na nọte te na yẹn tọn wutu, na okunnu de do yé go.

na Klisti lalonọ lẹ, po yẹwhegán lalonọ lẹ po na fọ́n, bo na yí ohia lẹ po onú jawu po hia, sọmọ eyín é sọgan yín wiwà, nado klọ mẹsinsinyan lẹ lọsu

Ṣigba to azán nẹlẹ mẹ, to nukunbi bia nẹlẹ godo, owhè na dozinvlu, osun ma nasọ na hinhọ́n etọn, sunwhlẹvu lẹ na flẹ́, yè nasọ whàn huhlọn he tin to olọn lẹ mẹ.