Popular Bible Verses from Gẹnẹsisi 37

Share

Josefu sọ kudlọ de, bo dọ ẹ hlan nọvisunnu etọn lẹ, yé sọ vọ́ wangbẹ́ nẹ̃ deji.

Islaeli yiwánna Josefu hú visunnu etọn lẹpo, na ewọ yín visunnu yọ́nho mẹ etẹn tọn wutu: é sọ basi awù tedona he tindo wunmẹ susu lẹ de nẹ̃

Nọvisunnu etọn lẹ sọ mọ dọ otọ́ yetọn yiwánna ewọ hú nọvisunnu etọn lẹpo; yé gbẹ́wan nẹ̃, bo ma sọ sọgan yí jijọho do dọhó hlan ẹn ba.

E sọ kudlọ devo dogọ́, bo sọ dọ ẹ hlan nọvisunnu etọn lẹ; bo dọmọ, Dayi e go, owhè po osùn po, pa sunwhlẹvu widopo po to yéde dé hlan mi.

Onú etọn sọ vẹun na nọvisunnu etọn lẹ; ṣigba otọ́ etọn sọ ohó lọ whlá to ayiha mẹ.

E dọ hlan yé, dọmọ, Yẹn vẹ́ mì, mi sè odlọ he yẹn ku. Na, dayi e go, míwlẹ to zinkán bla to danji ṣẹnṣẹn, bo, pọ́n, zinkan ṣie fọ́n, bo nọte titegbe gẽ: bo, dayi e go, zinkan mítọn tò lẹ́do, bo dẹ́ yéde hlan zinkán ṣie.

Enẹwutu mì wá dinvie, bo gbọ mí ni hù Í, bo dọ̀n ẹn dlan odò helẹ de mẹ, mí na dọmọ, Kanlin ylankan ko hù i dù: mí naso pọ́n onú he na gbọn godo odlọ etọn lẹ tọn.

Midianu, ajọ́tọ lẹ, juwájei, yé sọ dọ́n ẹn, bo dè Josefu jẹgbonu sọn odò lọ mẹ, bo sà Josefu do Iṣmaelinu lẹ na fatakakue oko. Yé sọ hẹn Jọsefu yì Egipti.

Yé dọ hlan yénọzo, domọ, Dayi e go, odlọnọ lọ ja.

Yé mọ ẹn to aganu ja, whẹpo é na do sẹpé yé de, yé blanú do e go, nado hù i.

Lẹubeni sẹ̀ dọ blan yé, dọmọ, Mì kọ̀n ohùn de dai blo, ṣigba mì zé e dlan odò he mẹ he tin to ozùngbo mẹ, ṣigba mì doalọ e go blo; na é nido whlẹn ẹn sọn alọ yetọn mẹ, nado hẹn ẹn wá otọ́ etọn de.