Popular Bible Verses from 1 AHỌLU LẸ 3

Share

Enẹwutu na ayiha wuntùntùn tọn de mẹmẹsi towe nado dawhẹ́na gbẹtọ towe lẹ, na yẹn nido tùnayinúgo to dagbe po oylan po ṣẹnṣẹn; na mẹnu wẹ tin sọgan nado dawhẹ́na gbẹtọ susu towe he lẹ?

Dayi e go, yẹn ko wà kẹdẹdi ohó towe: pọ́n, yẹn ko na ayiha nuyọnẹn tọn de po sisè tọn de po we; sọmọ bọ mẹde ma ko tin jijlẹ do ogo we to nukọn towe, mọ to godo towe depope ma na fọ́ntite taidi hiẹ gba.

Jiwheyẹwhe sọ dọ hlan ẹn dọmọ, Na hiẹ ko biọ onú he wutu, bo ma biọ ogbẹ́ gà na dewe gba; mọ hiẹ ma ko biọ adọkun na dewe gba, kavi biọ ogbẹ́ kẹ̀ntọ towe lẹ tọn gba; ṣigba ko biọ wuntùntùn na dewe nado tùnayi whẹ̀dida go

Podọ yẹn ko sọ na we ga enẹ he hiẹ ma ko biọ, adọkun po ogbégbò po, sọmọ bọ depope ma na tin to ahọlu lẹ ṣẹnṣẹn taidi hiẹ, to azán towe lẹpo gbè.

Podọ eyín hiẹ na zinzọnlin to aliho ṣie lẹ mẹ, nado payi osẹ́ndoai ṣie lẹ go po gbèdide ṣie lọ po, dile Davidi otọ́ towe zinzọnlin do, whenẹnu yẹn na dotèna azán towe lẹ.

OKLUNỌ sọ doawuhia hlan Sọlọmọni to odlọ mẹ to Gibeọni to ozánmẹ: Jiwheyẹwhe sọ dọmọ, Biọ núhe yẹn na na we.

Dinvie, OKLUNỌ È Jiwheyẹwhe ṣie, hiẹ ko yí mẹmẹsi towe do basi ahọlu to otẹn Davidi otọ́ ṣie tọn mẹ: mọ yọ̀pọ ovú de wẹ yen; yẹn ma yọ́n nawẹ nado yì gbonu kavi wá whégbe.

Hógbe lọ sọ hẹnhomẹhùn OKLUNỌ, dọ Sọlọmọni ko biọ onú he.

Sọlọmọni sọ dọmọ, Hiẹ ko do dagbewà daho hia hlan otọ́ ṣie mẹmẹsi towe Davidi, kẹdẹdi le ewọ zinzọnlin to nukọn towe to nugbo mẹ do, podọ to dódó mẹ, podọ to tenọgligli ayiha tọn mẹ to de we; hiẹ ko sọ payi dagbewà daho he go nẹ́, bọ hiẹ ko sọ na visunnu de e nado sín ofìn etọn ji, dile é te to egbó.

Mẹmẹsi towe sọ tin to ogbla omẹ towe lẹ tọn mẹ he hiẹ ko dè lẹ, gbẹtọ susu de, he yè ma sọgan yónsọha etọn kavi hia na gégé.