Popular Bible Verses from Marcos 6

Share

Jesús e-sapinganga sogded: —Dagmar, anmarbi bachikii, neg-dule-sulidganba wis obunnonamargwelo. Ar ade dule-bukidar na muchubmakyolasoggu, geg mas gunne-guarmalad.

Aga Jesús dulemarga sogded: —Bab-Dummad-gaya-burba-berbemalad bela neggwebur-baigangi bina nue sogdamalad, unnila e-neggweburginbi, agi e-gwenadgan, degi, e-neg-yaginmaladbi baisur dakdamalad. A-ular bemar an-abingasurmalad.

Jesús urgi aidedgu, dulemar-bukidar-e-idu-bukwad nue wile dakded, ar ade sibad-wawaad edarbed-suliyobi gudidimalad, dule-e-iduged sate. Agi Jesús Bab-Dummad-igar-mamaidba dulemar-odurdaksii-gusad.

Aga Jesús ibmar-dakledisurmalad dogdar gwen imaksasulid, unnila ichee wis gegumaladgi argan-mesisad, nudakegar. Jesúsdi geger itosunnad, ar ibiyobi na e-neggweburginmalad akusunna amba e-dakmala. A-sorba neggwebur-irba Jesús Bab-Dummad-gaya-burba-nuedgi aimar-odurdakdii-gusad.

Geb degi Jesús madu-gwaataled susgu, ua-ukabogwad susbargu, niba atakde, Bab Dummadga dog-nuedye sogsad. A-sorba, Jesús madu biske-biske imasgu, ega mergud, geb e-sapinganga madu uksad, adi dulemarga madu mimmiegar. Ua-ukabogwad degi-imaksabargu, ega mergudbalid, geb bela aimarga uke-uke imakdebalid. Degine, bela-dulemar-gudidimalad nue-immeles mas guchamalad. Mas-guchad-sorba, Jesús-sapingan madu, degi, ua-obichad garba-gwaambe-gakabo-mergu wesmalad.