Popular Bible Verses from Marcos 2

Share

Jesús, deyob Fariseomar soge itosgu, ega sogded: —Dulemar-gegusurmalad ina-duled-abesulid, unnila dulemar-gegumaladbi ina-duled-abe damalad. Deyobi, we-napnegse an nonigu, dulemar-nuegan na iskudisur-itomaladse golega an nonisulid, an nonikidi, dulemar iskudii-na-itomaladse golega.

Jesús dulemar-warbakegwad dakdegu egi gwen bensulid, dule-gegumaidga sogded: —An-ai, be-iskudii-gusad be nugussun.

Degine, Jesús Fariseomarga sogdebar: —Obunnoged-iba dulega nasiklesad, dule obunnoged-ibaga obinnilessulid.

Dulemar-bukidar neg ena sisoggu, Jesússe geg warmakguarmalad. Degisoggu, dulemar-warbakegwad neg-birgi nakwismarsunnad, geb uas egasmalad, bia Jesús-siid-inik. Degi dule-gegu-maid Jesús-inik gabedgi-mai odesmalad.

Degisoggu, ani Dule-Machi, dule-bonigwaled an-nudakoed, adi bemar wisguegar, igi dule-bonigwaled sunna an nudake, debayobi we-napneggi dule-gwage-iskunaid sunna nudaked an nikbalid. —Jesús dule-abgan-burgwar-nikadga sogdesun: —Ani an bega soge, be gwisgu, be-egi-maid na be sede, be-negse na be nasun.

An dule-bonigwaledga sog-dibe: ¡Be-iskunaid an bega osulos! Ar igi, an sogbarsun-dibe: ¡Be nugu, be gwisgu, be nae, be-egi-gabed na be sede! Degite, ¿Igid bur-baisursunna imaklesunna? Suli, ebobela baisursunna imaklesuli.

Degi dule-bonigwaled yog nuguar gusgu, yog gwisguar imaksad, geb yog na-egi-gabed sear. Geb degi, dulemar-abargi noded. Degi, belagwapa geger dakdemalad, geb Bab-Dummad-nug ogannodmarsunnad, sogdemalad: “Wegiid-ibmar anmar gwen dakdisulid.”