Popular Bible Verses from 1 Pedro 3

Share

Bur be-gwagegi, be sogmar, we-Cristobi an-Dummadye. Guagwar gudii be imakmar, dulemar bela bese egichialir, ibiga be Cristogi-bensuli be edarbedimala. Be a-dulemar-abin imakder, mer na san-odummoar be sunmako, degine, nue na san-bargaagwar be a-dulemar abinsaoed. Bemar nued nanamar, ulubgi-gwen-iskudisuli-itogedgi, adi dulemar-begi-binsa-sunmakdimalad bemar ibmar-ichodimarye, amar-obingesaegar. We-dulemar be Cristoba ibmar-nued saed-ular binsa gakansaar begi sunmakdimalad.

Ar ade Bab Dummad dule-gwage-nuegan-nue-edarbe-daed, degine, amar-ese-goled nue ito-dabalid. Ar dulemar-ibmar-iskana-imakmaladdi, Bab Dummad a-dulemar-idu wagar-obirid-daed. Sal. 34:12-16

Omegan, bemar nue-yeer-dakle guegala, we aski ise-nudakar imakedginsulid. Sailagia ise-nudakar imakedginsulid, ormar-nasikedginsulid, degine, mormar-gargemalad-yoedginsulid. Suli, degisulid. Be-yeer-dakleged-napiragwad be-ulubgi siid, be-gwagegi. We yeer-dakleged-napiragwaddi geg bergued. We, yeer-itogedgi-ibmar-imakedid, urwedgi ibmar imaksulidid. We-degi-daedi Bab Dummadga bur ibi-nuedid.

Ar ade Bab-Dummad-Gardagi sognaid: Na dule san-burba dulad na weligwar-gudii gubiele, degine, iba-nuegan dakbiele, na e-gwabin ibmar-iskana sunmakedsik bargaer-gebed, degine, e-gaya na gakangi sunmaksuli guer-gebed. We-dule ibmar-iskanagi banguer-gebed, ibmar-nued imaker-gebed. Ulubgi-bogidik-itoged bur amier-gebed, degine, aba bur nanadii guer-gebed.

Deginbali, napi an bemarga sogsun, bela na be emarbi binsabukwa-gumar, wile na be-dakmaladba na be muchub-muchub bendakbukwa-gumar, gwenatigwar na be nue sabgumar, wile na be dakmar, na ai-nuegan na be nanamar. Dule ibmar-iskana begi imaksale, mer abin ibmar-iskana be imako. Dule be-ukabsasale, mer abin imako. Suli, degisuli. Bur ibmar-nued ega be uke, ar bemar wisid, Bab Dummad bese gochamaladi, be-susmaladi, bega ibmar-nuegan ukegalad.

¿Degite, doa-dule bemar-oakalogosunna, ar bemar ibmar-nueganbi imakdiir? Geg be-oakalomala.

We-dule ibmar-iskanagi banguer-gebed, ibmar-nued imaker-gebed. Ulubgi-bogidik-itoged bur amier-gebed, degine, aba bur nanadii guer-gebed.

Ar ibmar-nued-saed-ular be wioarmalar, ar Bab Dummad deyob abeger, we bur nuedid, ibmar-iskana-saed-ular be wiomaladba.