Popular Bible Verses from Luka 18

Share

Po papo Jesụ alinkubabūla abafụ̄ndịgwa bāke ikifwanịkisyo, ukubamanyịsya ukuti kwababagị̄le ukwịpụ̄ta bwịla kisịta kunyololokamo sịku.

Bule Kyala atịsakubalōngela īnōngwa syabo abasalịgwa bāke, aba bịkunndilila pamụ̄si na pakilo? Bule ịsakukābilaga ukubatūla? Nịkubabūla une nịkuti: Atịsakuhābapo ukubagolokesya īnōngwa syabo. Lolị lelo bule bo nnyamụ̄ndu ịkwịsa, ịsakulwaga ulwịtiko nkị̄su?

Lolị umwene ātịle: Isị umụ̄ndu sịkuntola ukubōmba, kwa Kyala mbepe ịtolo.

Tāsị āsị̄tịle; lolị pānyụma ālinogwịne ātịle: Napāpo ndinkuntị̄la Kyala kangi ndinkumpāsya najumo umụ̄ndu, lolị kunōngwa ja nkị̄kulu umfwile apa ịkūsị̄ngula, ngunndōngelaga īnōngwa jake, aleke ukungatasya ukūngịlila.

Nalolị nikubabūla une nịkuti: Gwesa uju atịkukyambilila ikitāngālala kya Kyala bo umwanịke atịsakwakwịngilamo sịku.

Umwene Jesụ alinkubabilikila alinkuti: Amụbaleke abānịke bị̄sege kumyangu, mụngabakānịsyaga, namanga ikitāngālala kya Kyala kyabo aba bali bo bababa.

Jesụ ālimmbūlịle ātịle: Kētaga, ulwịtiko lwako lukuponị̄sye.

Jesụ ālimmwamwịle ātịle: Kūnjoba fịkị ubunụnụ une? Akajako najumo unnụnụ, lolị mwene Kyala.