Popular Bible Verses from Johanị 17

Share

Ubapelege bị̄kemo mbwanalolị; ilịsyu lyako bo bu bwanalōlị.

Ubūmị bwa bwịla bo ubu, apa linga bakumēnye ugwe ukuja gwe Kyala gwa nalolị gwịmwene, batịle nukummanya Jesụ Kilisịtị uju untumịle.

Lelo ndịkubị̄pụ̄tila bēne bababa, lolị ngubị̄pụ̄tila bope naba bịsakunyịtikilaga mwịsyu lyabo, ukuti bōsa bị̄pelege jumojwene, bo papo ugwe gwe Tāta uli nkāti mmyangu, nanịne nndi nkāti mmyako. Ngusūma ukuti bope bajege nkāti mmyitu, ko kuti ikị̄su kị̄tịkege ukuti jo ugwe ūndumịle.

Ndịkubasūmila ukuti ubasōsyemo nkị̄su, himma, lolị ngubasūmila ukuti ubūbātilege kumbị̄bị.

Ubukulūmba ubu gwalimbēle une, bo mbapēle bābo, ukuti bope bị̄pelege ukuja jumojwene, bo apa nanụswe tuli jumojwene. Une njege nkāti mmyabo, nanụngwe ujege nkāti mmyangu, ngusūma ukuti bajege bapelelesye ịtolo bị̄pelege ukuja jumojwene, ko kuti ikị̄su kimanyege ukuti ugwe ūndumịle une, nukuti ubaganịle bo papo ūnganịle une.