Popular Bible Verses from Johanị 10

Share

Unhījị jo ịkwịsa kukuhīja kwene, kukugoga na kukōnānga. Une nịsịle ukuti mụjege nubūmị, mụjege nabo ubu bukēlịlwe ịtolo.

Une ne ntị̄mị ne nnụnụ. Umwene untị̄mị unnụnụ ịkwịtika ukubutāga ubūmị bwake panōngwa ja ng'ōsị syake.

Īng'ōsị syangu sịkulipilika ilịsyu lyangu; une nsịmēnye, syope sịkūngōnga.

Une ngusịpa ubūmị bwa bwịla, isyene sịtịsakusobamo sịku, kangi najumo atịsakusịpokamo sịku mmaboko gangu.

Une ne kifịgo, linga uju ịkwendela mmyangu pakwịngila, jo ịsakupokịgwaga; jo ịsakutigi nukwịngila nukusōka, kangi ịsakujagaga īndeka.

Une ne ntị̄mị ne nnụnụ. Nsịmēnye ing'ōsi isyangu, kangi syope isyangu sịmēnye une

Umwene Tāta uju ālimbēle une, jo nkulūmba ukubakīnda bōsa; najumo akabagila ukusịsōsyamo mmaboko gāke Tāta. Une na Tāta tuli jumojwene.

bo apa Tāta amēnye une, nanịne nummēnye Tāta; kangi ubūmị bwangu nịkusịfwila ing'ōsị.

Akajapo umụ̄ndu najumo uju ịkupoka ubūmi bwangu; lolị une ngubutāga kubwịgane bwangu nịmwene. Ndi namaka ukubutāga, ndi namaka ukubwega kangi. Syo isị āndagị̄le Tāta ukuti syo mbōmbēge.

Po papo Jesụ alinkubabūla kangi alinkuti: Ngubabūla isya nalolị nguti, une ne kifịgo kya ng'ōsị.

Umwene ummbōmbị uju akaja ntị̄mị, uju īng'ōsị sịkaja syake, bo ịkukibona ikinyamāna kịkwịsa, ịkusịleka īng'ōsi ịkwenda nukubopa. Po ikinyamāna kịkusịkola īng'ōsị nukusịbalanịa.

Jesụ alinkujoba alinkuti: Ngubabūla isya nalolị nguti: Uju linga atị̄kwenda pakifịgo pakwịngila nkibaga kya ng'ōsị, linga ịkwenda pabūngi ịtolo, jo nhījị kangi jo ịnyāmbụta.