Popular Bible Verses from Ubwandilo 27

Share

Kyala akutịmikisyege īndūngwa ja kumwanya. Akupege ni mboto ja pakị̄su, akumekesyege ifị̄ndu ifị̄ngị na māfị̄lu. Ifịkolo fya bāndu fịkubōmbelege ugwe, fịbụngụlụkege nkyenị mmyako, Ujege Malafyale gwa bamyinụ abēne bo balāmbege kumyako. Bagụnịgwege bōsa aba bịkukugụna ugwe, Basajịgwege aba bịkukusaja ugwe.

Umwene Esabu alinkuti: Ngīmba mụkaja momụmo, mụno jijīlịle īngamụ jāke ukuja jo Jakobụ? Namanga ịjịngị̄sye mbujo bwangu kabili. Mbwandilo āpokịle ubwakipānda bwangu kangi lilino apokịle ulusajo lwangu. Po papo Esabu alinkunndālūsya ugwịse alinkuti: Gwe tāta ukāsyakisyapo nalumo ulusajo une?

Ịsịhaka ugwịse alinkummwamụla alinkuti: Kwịsakupōndwaga ikị̄su ukuja bujo bwako, kwịsa kupōndwaga ni ndūngwa iji jikufụma kumwanya. Fyosa ifyakukutūla kwịsakufyagilaga nkulwa ubwịte, kwisakummbōmbelaga unnụgụnago. Lolị linga kị̄sịle ikyinja ikya kunsāmbukila kwịsakwịjābulaga kūngoje syake isị akupịnyịle ugwe.

Esabu alinkwendelela ukupyelesya kugwịse alinkuti: Gwe tāta, ngīmba gwali nulusajo lumolwene ịtolo, ulīsajaga na nị̄ne tāta? Po papo Esabu alinkukụ̄ta fị̄jo.