Popular Bible Verses from Ubwandilo 13

Share

Ikị̄su kyosa iki kukibona kyo nịsakukupaga ugwe na ba nndujụ̄ngụ lwako, ukuti kijege kyinụ bwịla na bwịla.

Bo Abụlamụ apāgukēne na Lotị. UNTWA alinkummbūla Abụlamụ alinkuti: Ukufụma apa gwimịle ukēte kulūlu na kwịtōngo, kubusōkelo ilịsuba na kubujōngelo ilịsuba.

Nịsakubabāsyaga aba nndujụ̄ngụ lwako, uju linga amēnye ukubala ulufụ̄mbi lwa nkị̄su jo ịsakumanyaga nukubabala bōpe na ba nndujụ̄ngụ lwako.

Po papo Abụlamụ alinkunsūma Lotị alinkuti: tungalwanaga, bōpe abatị̄mị bāngu nabāko bangalwaga uswe tuli banya mụ̄ndu.

Po lelo Abụlamụ alinkusāmịsya īhēma alinkwakujēnga pabupị̄pị ni mịpịkị gya pị̄syeto lya mu Mamule mụ Hebulonị. Kula kula ko alinkujenga ikigemo kya kwịkemēkesyapo ku NTWA.

Umwene Lotị alinkukelenganịa alinkugubona untebēla gwa Jolịtanị, ugu ikị̄su kyali kibisị kyosa, bo UNTWA akāli ukupyụta ikya Sotomụ na Gomala, gulinkufwana nngūnda gwa malafyale, kifwene bo akāja ka Egịpịtị ukulabila ku Soalị.