Popular Bible Verses from Lukas 5

Share

Yesus ykyas bo mkak tna yawe kʼSimon yawe, “Miin baro namoʼt wore wo uun wono. Tna mbeak jala re nfot syoh aro.”

Simon yawe, “Guru; riwai ti ro miyõ refo amu nsafo beak jala saso syoh he nfot aro fee! Menohe Nyõ nbis feto to, jõ te beak jala refo u oh.” Ana beak jala refo tna fo mkuk jala reto maut tna mmat menohe syoh mawat toni. Tna jala reto maja taro hri.

Tna mun aro to, Yesus yamo skabuk mam yuk ro mimon.

Jõ tama ttu raa ro mhaf moof to fee. Tama fo ttu raa ro mno iro afo re kbe ana mashana.”

Simon yafoh na weto, sait yasom Yakobus tna sait yasom Yohanes. Ana mbewok to Zebedeus yare. Ana msya Simon-Petrus mmat syoh mawat tibyo mrok ktak. Tna Simon yamo yo kʼYesus yjit yimna. Tna yawe, “Tuhan; sikba jõ namo rof: Jõ fi raa kair!” Tna Yesus yawe kʼSimon yawe, “Waa ma! Maban wore wefo nyõ nfot syoh u fee. Kbe nyõ nfot raa.”

Tna Yesus yawe, “Raa ro metsu moof to, ja mamo saso dokter fee. Ja raa ro kiyam oh mi mamo saso dokter to.

Ana mabo tuuf weto mkuk wiak wana mamoʼt mne. Tna sikba bo wana beta makus masen kro Yesus.

Ti sau Yesus yhau mam remo sau tna ymat raa ro yafa kusta ro mkair-kar toni sait. Raa retait ymat Yesus tna yjit yimna soh-soh kʼAit yawe, “Bobot, soh Nyõ ksoh meto mi, nisoh jõ re kusta refo marak.” Tna Yesus yatem ybo ait tna yawe, “Jõ ksoh, tawe nyõ mbros oh!” Ayõ reto si fo, kusta reto mrok marak.

Menohe Yesus yasom to, raa mkyas renti mam woyõ-woya sai. Tibyo raa myar mama mari bokyas rAit tna soh-soh kʼAit re yisoh ana re kiyam wana marak ye.