Popular Bible Verses from Yohanes 15

Share

Jõ fi tnan fi anggur mara sau. Tna anu to nnan fi ngkre rau. Awya ro yhau yhaf sau ysya Jõ to, tna soh Jõ thau thaf sau tsya ait ye, kbe ait retait yake mawat. Soh anu nhaf sau su nsya Jõ to fee, kbe anu ntai nno bo aro fee ye.

Nhau nrat nsya Jõ tna Jõ thau trat tsya anu ye. Ngkre sau mesait kar kbe make fee. Soh ngkre sau mhau mrat msya mara rau fee, kbe make fee. Tna soh anu nhau nhaf, srau sau nsya Jõ to fee, kbe nke fee ye.

Soh anu nhau nhaf sau su nsya Jõ tna soh bokyas aJõ anu nme mam nhaf wanu to ye, kbe anu nyoh bo bawya ro anu nksoh sai to tna kbe nkai.

Anu nsok Jõ to fee. Jõ oh mi tsok anu. Tna tbis anu nmo tna tufrok make: Make ro kbe mhau bau tibyo. Tna bo ro anu nyoh mkah tak ro Jõ tasom to, kbe Taja yoo yee kʼanu.

Soh raa sait yhafri yafoh wait to, ja ksoh yawe yno riof kʼana. Tna mfi bo raa mbis mawe raa retait ysan ait yetsu afo re riof kʼana to, kbe yawe, ‘Ae.’ Ait ro ysan yetsu rait feto to, kbe raa mmat tna mhar mawe ait retait yhafri yafoh wait toni miwer.

Anggur mara fo, ngkre rau ro make fee, kbe Taja ysot. Tna kre rau ro make to, kbe yisoh srof re make mawat renti.

Bo ro Jõ tbis kʼanu oh mefo: Nhafri anya kaket. Nhafri anya kaket mnan fi Jõ thafri anu wefo ye.

Soh anu make mawat to, kbe raa mmat tna mhar mawe anu fo kuber woJõ oh meto. Soh anu nno bo wefo kbe raa mbaut Allah.”

Kuber ro Yesus wAit msya Yesus mamo. Tna Yesus ykyas bo renti. Ait fret bo yawe, “Jõ fi anggur mara ro moof. Taja oh mi yamo Raa ro mkah tna misoh armato anggur reto.

Awya ro yhau yhaf sau ysya Jõ fee, ait retait ynan fi ara ngkre sau ro raa msot tna beak makus. Ara ngkre reto mhau ngkaat. Tna kbe raa moo ngkre weto makrao mam wo sau mbeak tna mko mam tafoh tna mait.

Jõ simaut mase. Tna tkyas bo weto kʼanu afo re anu simaut mase ye. Jõ ksoh tawe anu simaut mase, mnan fi Jõ simaut mase; aro mabut fee.

Jõ tari bo ro Taja ybis kʼJõ tbo tno. Tibyo Ait yhafri Jõ wer. Soh anu nri bo ro tbis kʼanu, nbo nno to, kbe Jõ thafri anu wer mfi feto ye.

Bo ro tbis kʼanu oh mefo: Hafri anya kaket.”

Raa ro tabam refo smot Jõ fee. Menohe anu fo nhaf sau nsya ana weto fee. Mfi bo anu nhaf sau su nsya ana weto meto mi kbe ana ksoh anu to! He mfe. Anu smot Jõ tibyo anu nhaf sau su nsya raa ro tabam refo fee. Jõ tsok anu afo re anu nmo raa woJõ. Anu fo raa ro tabam refo u fee. Au oh mi ana weto knait anu.