Popular Bible Verses from Malɨka 13

Share

Avaanhu vooni vilikʉvakalalɨlagha ʉlwakʉva mʉkʉmbɨngɨlɨla ʉne. Neke jʉno ikuguda kuhanga kufika kʉvʉsililo, ʉjuo ghwe alakuluka.”

Mulɨngʼhaniaghe, kange mʉvisaghe maaso, ʉlwakʉva namʉkagwile ʉnsiki ʉghuo ghuliiva lɨɨghi.

“Pano viliiva vavakolile na kʉkʉvatwala pa vʉhɨghi, namʉngasaghaghe kuuti kyamujova kɨki, ʉmue mʉjovaghe kɨno mupelua ʉnsiki ʉghuo. Ʉlwakʉva namwemue muuva mujova, looli iiva ghwe Mhepo ʉMwɨmɨke.

Ʉvʉlanga nɨ ɨɨsi filakila, looli amasio ghango naghalakila.

“Neke ɨkɨghono nʉ nsiki ʉghwa kwisa ʉne ne Mwana ghwa Muunhu, nakwale jʉno akagwile nambe avanyamhola kʉkyanya, nambe jʉʉne ne Mwana, looli jʉ Nhaata.

Ʉmue mʉlaava mupʉlɨka ʉvʉlʉgʉ ni njovo saake, mʉlekaghe pikwoghopa. Ndalʉve ndaani isio silivoneka taasi, neke ʉnsiki ʉghwene ʉghwa vʉsililo ghuuva ghʉkyale.

Lɨno, ʉmue mʉvisaghe maaso, ʉlwakʉva namʉghʉkagwile ʉnsiki ʉghwa kʉgomoka ʉnya nyumba, pamo aliisa vwilile nambe kɨlo nkate, pamo pano kuhenga nambe lwakɨlo. Mʉvisaghe maaso kuuti alavangʼhʉlania mʉghoneliile. Sino nɨkʉvavʉʉla ʉmue, nɨkʉvavʉʉla vooni, ‘Mʉvisaghe maaso!’ ”

Ifighono ifio ɨɨsi jɨlalwisagha nɨ ɨɨsi ɨjɨngɨ, kange ʉvʉtwa kulua nʉ vʉtwa ʉvʉnge. Imbale ni mbale kwefiliiva ifisenyeena, kwejiliiva ɨnjala. Isio sooni vuuva vʉtengʉlɨlo, ndavʉle ʉvʉvafi ʉvwa mʉkɨjʉʉva, pano ʉnsiki ʉghwa kʉpaapa ʉmwana ghʉfikile.

ƗMhola ɨNofu ʉmpaka jɨpʉlɨsɨvue mʉ ɨɨsi sooni, ʉvʉsililo ye vʉkyale kufika.

ʉlwakʉva vinga vilikwisa mʉ lɨtavua lyango, nʉjʉnge itisagha, ‘Neene Kɨlɨsite.’ Avaanhu avuo vilikʉvasyanga vinga.

“Neke ʉmue mʉvisaghe maaso, ʉlwakʉva vilikʉvatwala pa vʉhɨghi na mʉ masinagogi, vilikʉvatova. Kange, vilikʉvatwala pa vanjagɨla na pa vatwa, ʉlwakʉva mʉkʉmbɨngɨlɨla ʉne. Ʉghuo ghuuva ghwe nsiki ʉghwa kwoleka ʉlwɨtɨko lwinu kʉ veene.

Ʉlwakʉva valiisa avaanhu vano vikutambʉlagha nʉjʉnge itisagha ghwe Kɨlɨsite, avange viliiva vavɨli va vʉdesi. Avuo vihʉfyagha ifivalɨlo ni fidegho kuuti vavasofie avaanhu, nambe avasalʉlua va Ngʉlʉve.

“Neke ifighono ifio siliiva sikilile imhumuko isio, ‘ɨngʼhiisi jɨlakupikila ɨlɨjʉva, naghʉ mwesi naghʉlavala. Inhondue silasangʉka kuhʉma kʉkyanya,’ ni fiinu fyoni ifya kʉkyanya filasukanɨka.