Popular Bible Verses from Malɨka 11

Share

“Mʉ ʉluo nɨkʉvavʉʉla kuuti, fyoni fino musʉʉma pano mukufuunya, mʉhʉvɨlaghe kuuti mʉpelilue, ifio fivisagha fiinu.

Kyangʼhaani nɨkʉvavʉʉla, ʉmuunhu ghweni angakɨvʉʉle ɨkɨdunda ɨkɨ, ‘Kumuka, ghutaaghe mʉ nyanja,’ angave nʉ lwɨtɨko ʉlʉsila nganighani mʉ mwojo ghwake, na kuhʉvɨɨla kuuti sino ajovile sivombeka, ʉlufuunyo lwake lukwʉpɨlua.

Pano mukufuunya, mʉvasaghɨlaghe vano vavahokile, pe na jʉmue ʉNhaata ghwinu ʉghwa kʉkyanya ɨkʉvapyanɨlagha ʉvʉhosi vwinu.

ɄYesu akati, “Mʉmwɨtɨkaghe ʉNgʉlʉve.

Pe akavavʉlanɨsyagha avaanhu akatisagha, “Nalɨlembilue kuuti, ‘Ɨnyumba jango jitambʉlwagha nyumba ja kufunyila ifisina fyoni’? Neke ʉmue mʉhambwile ‘mhanga ja valyasi!’ ”

Avaanhu vooni vano valyalongwile na vano valyale mʉmbele vakava nɨ njegheelo ɨja lʉkeelo viiti, “Aghinwaghe! Afunyilue jʉno ikwisa mʉ lɨtavua lya Mʉtwa ʉNgʉlʉve!

Vʉfunyilue ʉVʉtwa vʉno vukwisa, ndavʉle vwale ʉvʉtwa vwa nhaata ghwitu ʉDavɨdi! Aghinwaghe ʉNgʉlʉve kʉkyanya!”