Popular Bible Verses from Lʉʉka 12

Share

Lɨno, na jʉmue mʉvisaghe mulɨngʼhanisie! Ʉlwakʉva ne Mwana ghwa Muunhu, nilikwisa ʉnsiki ghʉno namuhʉvɨɨla.”

Looli, mʉlondaghe ʉVʉtwa vwa Ngʉlʉve, pepano ifio fyoni mʉlongelesivua.

Pe akavavʉʉla avaanhu vooni akati, “Mulolelelaghe! Mʉlekaghe kuuva vanyamwojo va fiinu, ʉlwakʉva ʉvwʉmi vwa muunhu navʉlɨ mʉ vwinga vwa fiinu fyake fino alɨ nafyo.”

Ʉlwakʉva pano mʉvutile ifiinu fiinu, nagha moojo ghiinu ghiiva bahapuo.

“Ghwe veeni mʉlyʉmue jʉno ndepoonu ihangajɨka, kuuti ongelesie ʉvwʉmi vwake nambe akavalɨlo kamo?

Pepano ʉYesu akavavʉʉla avavʉlanɨsɨvua vaake akati, “Lɨno nɨkʉvavʉʉla niiti, mʉlekaghe kuhangajɨka, vwɨmɨla ʉvwʉmi vwinu kuuti mulisagha kɨki, nambe vwɨmɨla amavɨlɨ ghiinu kuuti mufwalagha kɨki.

Ʉmue, ʉNgʉlʉve avalile nalɨ lɨnyele ɨlya kʉ matu ghiinu. Lɨno, namʉngavoghopaghe, ʉlwakʉva ʉmue lʉvʉmbʉlɨlo lʉkome pamaaso gha Ngʉlʉve kukila ʉtʉjuni ʉtwinga.

“Mʉlekaghe kukwoghopa, ʉmue mwe kɨpʉgha kɨdebe, ʉlwakʉva ʉNhaata ghwinu ʉghwa kʉkyanya, akeliile kʉkʉvapeela ʉVʉtwa vwake.

Lolagha ihoove, nasivyala, nasipeta nambe kuvuta mʉ kɨhenge. Neke ʉNgʉlʉve ɨkʉsiswɨla. Lɨno, ʉmue mʉnoghiile fiijo pamaaso gha Ngʉlʉve kukila injuni!

“Lɨno, mʉlekaghe kuhangajɨka kuuti kyamulia kɨki, nambe kyamunyua kɨki, kange mʉlekaghe kuuva ni nganighani

Nave ʉNgʉlʉve ɨkʉghafwasia enendɨɨkɨ amamela agha mʉ lɨhaka ghano ghinofia ʉnsiki nʼdebe vʉvʉle, neke nakalɨngi ghijoghotoka na kutaghua pa mwoto, lɨno nakyaɨkʉvafwasia ʉmue na kukila, ʉmue mwe vanya lwɨtɨko lʉdebe?

Ʉnsiki ghukwisa, pano sooni sino sili kʉ vʉsyefu, silaava pa vʉvalafu; kange sooni sino sifisiime, silakagʉlɨka.