Popular Bible Verses from Mbombo sa Vasungʼhua 4

Share

“Kwekʉti nakwale ʉjʉnge mʉ ɨɨsi muno, jʉno anoghiile kʉkʉtʉpoka, looli jʉ Yesu mwene. Ʉjuo ghwe jʉno ʉNgʉlʉve ansungʼhile kʉkʉvapoka avaanhu.”

Avaanhu avuo ye vamalile kʉkʉnsʉʉma ʉNgʉlʉve, pano valyakongʼhanile pakasenyeneka. Avaanhu vooni vakʉpɨla ʉMhepo ʉMwɨmɨke, vakatengʉla kupʉlɨsia ɨlɨsio lya Ngʉlʉve kɨsila vwoghofi.

Lɨno ʉve Mʉtwa Ngʉlʉve, lola vʉle vikʉtwoghofia! Ʉtʉtange, ʉsue twe vavombi vaako, tʉdalɨkɨle ɨlɨsio lyako kɨsila vwoghofi.

ɄYesu ʉjuo ghwe jʉno aMalembe aMɨmɨke ghalyalembilue vwɨmɨla ʉmwene kuuti, ‘Ɨlɨvue lɨno ʉmue mwe vajengi mʉlyalɨkanile, lye lɨvue ɨlɨvaha ɨlya pa nguto.’

Avalongosi vala valyammanyile ʉPeteli nʉ Yohani kuuti navɨmbi, kange vasila vʉkagʉsi. Neke vakadegha kyongo vʉle vikwamʉla kɨsila vwoghofi. Apuo vakakagʉla kuuti, avaanhu ava vakavisagha lʉmo nʉ Yesu.

Avaanhu vooni vano valyamwɨtiike ʉYesu valyale nʉ mwojo ghʉmo, nʉ vʉfumbue vʉmo. Kange, nakwealyale nambe jʉmo jʉno akatisagha ifiinu fino alɨ nafyo fyake mwene, looli ifiinu fyoni vakahangɨlanɨlagha.