Popular Bible Verses from Kalangan 91

Share

Buwattitu pah'llingku, “Si Yawe ya pahogotanku. Sapantun iya kuta' patapukanku, pangandolanku iya.”

Sasuku pat'nna' ma sindungan Tuhan Mahatinggi pahali-hali ma limbuhan Sangat Kawasa.

Pagsabbutna ma aku, sambunganku magtūy. Pataptap aku ma iya hinabuna ma deyom sukkal. Tabangku iya ma deyom kasigpitan, maka buwananku iya ōn abantug.

sabab aniya' saga mala'ikat sinō' he' Tuhan angahampanan ka'a pi'ingga-pi'ingga pal'ngnganannu.

Tinambunan ka e'na ma sabakanna, ibarat manuk. Pasindung ka ma deyo' pikpikna. Tuhan ya sapantun ād makahampanan ka'a sabab mbal to'ongan apinda kajarihanna.

Bang Tuhan Mahatinggi ya pataptapannu, hatina si Yawe ya patapukanku isab, mbal ka t'kkahan bala', mbal sinekot luma'nu he' saki bonglay

Tantu iya amuwasan ka'a min jallat ya pinat'nna'an ka'a, maka min saki makapatay.

Abugtang pa'in dangibu a'a ma atagnu kowan, sangpū' ngibu pa'in ma atagnu gibang, mbal ka talapay.

Mbal kagawahannu bangsa magl'l'ngngan ma kalendoman, atawa budjak ya nihiyak waktu llaw. Mbal isāb katāwannu saki maglunsulan ma sangom, atawa bonglay ya makalaglag bang ugtu llaw.