Popular Bible Verses from LUKAS 6

Share

Qoyey, i qoyáshunkim; alli tuputa, jinchishqata, tapsishqata i llishmeypa mellqeynikikunachow, tsey kikin tupushqeykiwanmi tupuyáshunki.

Alli nunaqa, shonqunpitam jorqamun alli tesoruta; mana alli nunaqa mana alli tesorutam, shonqunpita jorqamun mana allita; shonqunpa atskayeyninpita shimi parlan.

“Kuyayey chikiyáshoqnikikunata, alli rurayey, i prestayey, tseypita mana imatapis shuyarashpa; i qareynikikunam kanqa jatun, i Altísimupa Tsurinmi kayanki; peyqa ankupákoqmi desagradesídukunawan i mana allikunawan.

Ankupákoqkuna kayey, imanowmi qamkunapa Teyteykikunapis ankupákoq.

“Ama jusgayeytsu, i manam jusgashqatsu kayanki; ama kondenayeytsu, i manam kondenashqatsu kayanki; perdonayey, i perdonashqam kayanki.

“Qamkuna wiyaqkunatam, niyaq: Kuyayey chikiyáshoqnikikunata, allita rurayey melanayáshoqnikikunata; bendisiyey maldisiyáshoqnikikunata, i Dyosta mañakuyey tumpayáshoqnikikunapaq.

“I imanowmi munayanki nunakuna qamkunawan rurayánanta, tseynow rurayey qamkunapis peykunawan.

Juknin qaqlleykichow dañayáshuptikiy juknintapis kamapeyki; aqshuneykita qochishuptiki, túnikeykitapis ama nitsu. Pipis mañashoqnikitaqa, qoy, i qampa kaqta tsareqta, ama mañeytsu kutitsishuneykipaq.

“Manam alli montitsu mana alli wayíta qon, ni mana alli montitsu alli wayíta qon.

Montikunataqa reqintsik wayíninpam; manam ígusta eylluntsik kashakunapitatsu, ni shirakunapita pallantsiktsu ubasta.