Popular Bible Verses from LUKAS 3

Share

Susederqan llapan nunakuna bawtisakuyaptin, Jesuspis bawtisashqa karqan; i Dyosta mañakiykaptin, syelu kichakárerqan, i urámorqan Espíritu Santu peyman palumanow, i shamorqan juk bos syelupita keynow nir: “Qanmi kankiy kuyey Tsurí; qamchowmi kushikiyni.”

Juannam yaskerqan llapankunata nirnin: —Noqaqa rasonpam bawtisayaq yakuchow; peru shamunmi noqapita juk mas pwedeq, peypa llanqinpa watunllatapis paskámantsu; peymi bawtisayáshunki Espíritu Santuwan i rawreywan.

Rurayey jutsapeq wanakiy meriseq wayíkunata, ama qalleykuyeytsu kikikikunallachow nirnin: “Kayápamanmi Abrahamta teytákunapaq.” Niyaqmi Dyosqa pwedinmi tsurinkuna sharkatsita Abrahampaq key rumikunapitapis.

Tseynowmi jáchapis montikunapa jawanman churasqana; tseyreykurmi, llapan monti mana alli wayúkoqta wallurir ninaman jitantsik.

imanowmi qellqareykan profeta Isaiaspa librunchow palabrankuna, keynow nin: Qayakoqpa bosnin chusyaqchow: Alistayey Señorpa náninta; náninkunata derechayey. Llapan kebrádakunam pampatsashqa kanqa llapan jirka i qotum urashqa kanqa; nánikunam derechashqa kayanqa, ranra nánipis panpatsashqa; i llapan nunam rikanqa Dyospa salbasyonninta.