Popular Bible Verses from LUKAS 14

Share

“Meyqanpis noqaman shamur i chikintsu teytanta i mamanta, i warminta, wamrankunata, i wawqinta, paninkunata, i kikinpa kaweynintapis, manam disípulú keyta pwedintsu.

I krusninta aparkur noqaman mana shamoqqa manam disípulú keyta pwedintsu.

Meyqanpis alabakoqqa, úshutsishqam kanqa, i úshukoqqa, alabashqam kanqa.

Tseynowmi, qamkunapita meqeykikunapis manatsun jaqin llapan kapoqninkunata, manam pwedintsu disípulú keyta.

Tseynowqa ¿pitaq qamkunapita, juk torrita perqeyta muneykar, puntataqa teykur gastunkunata ajustapakuntsu, kapunkush wanashqan ushatsinanpaq? Simyentu churarishqanchow mana pwedinmantsu usheyta i llapan rikaqkuna qalleykuyanman peypita burlakurnin, nishpa: ‘Key nuna qalleykorqan perqar, i pwedishqatsu usheyta.’

Bankeytita rurarnenqa, qayey waktsakunata, makinnaqkunata, kójukunata i wiskukunata; i allápa kushikiyoqmi kankiy, peykunaqa manam pwediyantsu kutitsiyáshinikita, peru rantin kutitsishqam kanki alli ruraqkunapa kawarimiyninchow.

“Kachiqa allim; sitsun kachi qamlaq tikrarin, ¿imawanraq mishkitsishun? Ni allpapaqpis, ni wanupaqpis bálintsu; jitariyan jaqman. Wiyananpaq rinriyoq kaqqa, wiyatsun.”