Popular Bible Verses from GÉNESIS 11

Share

Hinaspanmi Señor Diosqa nirqan: —Kayqa runakunaqa ch'ullallan, llapankutaq huk rimaynillayoq kanku. Ruwaytan qallarinkuña, kunantaq paykunata mana imapas hark'ayta atinqachu ruway yuyaykunankuta. Kunanqa uraykusunchis, hinaspa chaypi rimayninkuta t'ikrarqarisunchis, ama rimasqankuta entiendenakunankupaq, nispa.

Ninakullarqankutaq: —Haku, huk llaqtata perqasunchis, hanaq pachakama aypaq torretawan. Mentasqa runataq kasunchis, kay pachantinman ama ch'eqesunchu, nispanku.

Chayraykun chaypa sutinqa Babel nisqa, chaypi Señor Diosqa pachantin rimayta t'ikrarqarisqanrayku, chaymantapacha kay pachantinman paykunata ch'eqechisqanrayku ima.

Kay pachapin karqan ch'ulla rimaylla, kikin ch'ulla simikunallataq.

Hinan Señor Diosqa uraykamurqan runakunaq perqasqan llaqtata torretawan rikunanpaq.

Ahinatan Señor Diosqa chaymantapacha kay pachantinman paykunata ch'eqechirqan, chay hinapitaq llaqta perqayta qollupurqanku.