Popular Bible Verses from MALAQUÍAS 3

Share

Diezmoykichista llapallanta taqeyman apamuychis, wasiypi mikhuna kananpaq. Chaywan probaykuwaychis, ahinapin yachankichis hanaq pacha ventanakunata kicharispa saminchata llimp'arishaqta hich'aykamusqaykichischus icha manachus chayta. Ñoqa Tukuy-atiyniyoq Señor Diosmi chayta nini.

Q'aruq langostatapas phiñarisaqmi chakra ruruta mana mikhurparinankupaq. Uvas chakraykichispas allintan rurunqa. Ñoqa Tukuy-atiyniyoq Señor Diosmi chayta nini. Hallp'aykichismi munapayana kanqa, chaymi llapa suyukunaqa nisunkichis: Kusisamiyoqmi kankichis, nispa. Ñoqa Tukuy-atiyniyoq Señor Diosmi chayta nini.

Tukuy-atiyniyoq Señor Diosmi nin: Ñoqaq unanchasqay p'unchaymi paykunaqa aswan chaniyoq llaqtay kanqaku. Imaynan taytaqa kamachin ruwaq churinta khuyapayan, chay hinatan ñoqapas paykunata khuyapayaspa mana muchuchisaqchu. Hinaqtinmi qankunaqa wakmanta reparankichis allin runaq millay runaq imaynachus kasqanta, pichus ñoqata serviq, pitaqchus ñoqata mana serviq kasqantapas.

Chaymi Tukuy-atiyniyoq Señor Diosqa nin: Ñoqamanta willakuqtan ñawpaqta kachamusaq, paymi ñanta wakichipuwanqa. Maskhashasqaykichis Señor Diosqa ñoqan kani, qonqayllan yupaychana wasiyman chayamusaq. Qankunan munaykushankichis rimanakusqayta willakuq kachamunayta, payqa hamushanñan, nispa. Ñoqa Tukuy-atiyniyoq Señor Diosmi chayta nini.