Popular Bible Verses from JUAN 19

Share

Chaymi Jesusqa p'osqo vinota ch'onqaykuspaña nirqan: –Lliwmi tukusqaña, nispa. Umanta k'umuykuspataq wañukapurqan.

Chay qhepatataq Jesusqa tukuy imaymana hunt'asqaña kasqanta yachaspa Diospa Simin Qelqa hunt'akunanpaq nirqan: –“Ch'akishawanmi”, nispa.

Hinan Jesusqa mamanta munasqa yachachisqantawan chaypi sayashaqta rikuspa mamanta nirqan: –Mamáy, kayqa wawayki, nispa. Yachachisqantapas nillarqantaqmi: –Kayqa mamayki, nispa. Hinan yachachisqanqa chay ratopacha Mariata wasinman pusakapurqan.

Jesusman asuykuspataq ichaqa, wañusqataña rikuspa manaña chakinkunata p'akirqankuchu. Ichaqa huknin soldadon Jesuspa waqtanninta t'urpurqan, kaqratotaq phawamurqan yawarwan unuwan.

Chaykunaqa sucederqan: “Manan tullunqa p'akisqachu kanqa”, niq Diospa Simin Qelqa hunt'akunanpaqmi. Chay hinallataqmi huknin Qelqapas nin: “Qhawanqakun t'urpusqanku runataqa”, nispa.

Jesustaq cruzninta apaspa, Calaverayoq Pata nisqaman lloqsirqan, chaytan hebreo rimaypiqa “Gólgota” ninku.

Soldadokunataq khiska coronata simp'aspa umanman churarqanku, hinaspan sani-puka p'achawan p'achaykachirqanku.