Popular Bible Verses from MATEO 15

Share

Mana allin rimaymi ichaqa sonqonmanta lloqsispa huchallichin runata. Sonqonmanta lloqsiptinmi runaqa huchallikun tukuy mana allinkunata piensaspa, wañuchispa, hukwan pierdekuspa, huchapakuspa, suwakuspa, runamasinta tumpaspa hinaspa kamispa. Makita mana mayllakuspa mikuyqa manam pitapas huchallichinchu.

Manam imapas mikusqanchu runataqa huchallichin, runataqa huchallichin mana allinta piensaspa rimasqanmi.

“Simillanwanmi yupaychawan kay runakunaqa, ñoqamanta karupim kachkan sonqonkuqa. Paykunaqa adorawankupas yanqapaqmi, yachachisqankupas runapa kamachisqallanmi.”

Chaymi Jesus nirqa: —Mamáy ¡qamqa mayna iñiyniyoqmi kasqanki! Munasqaykiman hinayá rurasqa kachun —nispa. Hinaptinmi chaypunilla wawan allinyarurqa.

Warmiñataqmi asuykuspan qonqorakuykurqa ñawpaqninpi: —¡Taytáy, yanapaykullaway! —nispa. Jesusñataqmi nirqa: —Manam allinchu warmakunamanta tantanta qechuruspa allqokunaman wischuykuyqa —nispa. Hinaptinmi chay warmiñataq nirqa: —Arí chaynam taytáy, ichaqariki allqokunapas dueñonpa mesanmanta wichiqtaqa mikunmi —nispa.