Popular Bible Verses from GENESIS 50

Share

Qamkunam mana allinta piensarqankichik ñoqapa contraypi aswanqa Diosmi allinpaq cambiarurqa kay qawasqaykichikpi hina rurananpaq chaynapi achka runakunata kawsachinanpaq.

Chaymi Joseyñataq nirqa: —Ama manchakuychikchu, ñoqaqa manam Dioschu kani.

Chaynaqa amayá manchakuychikchu. Ñoqam qamkunatapas churikichikkunatapas mantienesaq —nispa. Chaynatam Josey consuelarqa paykunata hinaspam rimapayarqa kuyakuywan.

qanman kaynata ninaykupaq: “Ruegakuykim wawqekikunapa mana allin rurasusqaykita hinaspa huchallikususqaykita pampachaykunaykipaq” nispa. Chaynaqa wawqellayku Josey, kunanmi ruegakuykiku mana allin rurasqaykumanta pampachaykuwanaykikupaq, ñoqaykupas papanchikpa Diosnin adoraqmi kaniku. Joseymi chaynata rimaptinku waqarqa.

Huk punchawmi wawqenkunata Josey nirqa: —Wañukusaqñam ñoqaqa ichaqa Diosmi cheqaptapuni watukamusunkichik hinaspam kay nacionmanta pusasunkichik Abrahanman, Isaacman hinaspa Jacobman prometekusqan allpaman —nispa.

Chaymantam Josey Israelpa mirayninkunata juramentachispan nirqa: —Diosmi cheqaptapuni watukamusunkichik, chayna kaptinmi tulluykunata kaymanta apankichik —nispan.

Joseymi wañukurqa pachak chunkan watayoq chaymi hampikunawan chakichispanku cajonpi churarqaku Egipto nacionpi.