Popular Bible Verses from GENESIS 39

Share

Ichaqa Joseyta Tayta Dios yanapaptinmi favorecesqa karqa Egipto nacionniyoq patronninpa wasinpi kaspan.

Chaymi tukuy kapuqninta Joseyman dejaykuspan manaña imamantapas piensarqachu aswanqa mikunallanmantañam. Joseyqa karqa buenmozo allin rikchayniyoqmi.

Chaymi Joseyman carcelpi kamachikuq jefe entregaykurqa carcelpi llapallan presokunata chaynapi payña cuentallikunanpaq, Joseymi chay carcelpi tukuy ima kamachikuq karqa.

Chaymi Joseyta churarurqa reypa presonkunapa kasqan carcelman hinaptinmi karqa chay carcelpi. Aswanqa Tayta Diosmi karqa Joseywan hinaspam favorecerqa, favorecechirqataqmi carcelpi jefewanpas.

Patronninpa warminmi Joseyta qawapayaq hinaspam nirqa: —Ñoqawan puñuy —nispa. Joseyñataqmi mana munaspan nirqa patronanta: —Patronniyqa wasinpi kaqkunamantaqa manam preocupakunchu, tukuy imantam confiaykuwan. Manam kay wasipiqa ñoqamanta aswan atiyniyoqqa pipas kanchu. Kayqayá wasinpi tukuy kaqta patronniy entregaykuwan ichaqa qamllatañam mana qowanchu warmin kasqaykirayku. ¿Imaynataq kay mana allinta ruraspayqa Diospa contranpiqa huchallikuyman? —nispa.

Chaymi huk punchaw, wasi allichaq Josey yaykuptin mana pipas wasipi karqachu. Hinaptinmi Joseypa pachanmanta chay warmi hapirurqa: —Puñusun ñoqawan —nispan. Ichaqa hawamanmi lluptikaramurqa warmipa makinpi pachantapas dejaramuspan.