Popular Bible Verses from GENESIS 37

Share

Josey mosqoruspanmi wawqenkunaman willarqa, chayraykum paykunaqa aswanraq cheqnirurqaku.

Israelmi kuyaq Joseyta llapan churinkunamantapas aswan masta machuyayninpiña churin kasqanrayku chaymi qoysuneq sumaq pachata rurapurqa.

Taytanmi Joseyta kuyarqa wakin churinkunamantapas aswan masta chayraykum wawqenkuna cheqniqku hinaspam piñasqalla rimapayaqku Joseyta.

Huktawan mosqospam wawqenkunaman willarqa: —Kunanmi huktawan mosqoruni, intiwan killam lucerokunapiwan ñoqaman kumuykuwarqa —nispa.

Chaymi wawqenkuna envidiakurqa Joseymanta, taytanñataqmi yuyaymanarqa chay willasqanmanta.

Joseymi nirqa paykunata: —Uyariychik kay mosqoyniyta: Gavillakunatam watachkasqanchik chakrapi hinaptinmi ñoqapa gavillay sayarirurqa hinaspam derecholla karqa, qamkunapa gavillaykichikñataqmi muyuriqninpi kaspa kurkuykurqa ñoqapa gavillayman —nispa.

Kunanyá wañurachispa wischuykusunchik huk pozoman hinaspayá nisunchik: “Ima purun animalchá mikururqa” nispa. Hinaptinchá yachasunchik mosqoyninkunamanta —nispa.

Chay negociante Madian casta runakuna pasachkaptinmi Joseyta wawqenkuna horqorqaku pozomanta hinaspam Ismael casta runakunaman rantikururqaku cuarto kilo qollqepi chaymi Joseyta aparqaku Egipto nacionman.

Paykunam ninakurqaku: —Waqayá mosqoykuna mosqoq maqtaqa hamuchkan.

Chaymi paykunaman manaraq chayachkaptin, rikuruspanku Joseyta wañurachinankupaq tanteanakurqaku.

Wawqenkunamanta librayta munaspanmi taytanman kutichiyta munaspan paykunata Ruben nirqa: —Kay pozoman kachaykuychik, ama wañuchiychikchu inocente warmataqa —nispa.